مؤشرات بورصة الابل وسوق الاسهم

السلام عليكم ورحمة الله وبركاته

اعود لكم اخوتي بعد فترة انقطاع الاشهر الماضيه لظروف خاصه اتمنى الفائده لنا جميعا من خلال مايدور من نقاش مع الاخرين بطريقة شفافه وواضحه لقد كثرت في الآونة الاخيره عروض البيع للابل خصوصا الجمل فلا تكاد تمر بسوق او في جنبات الطرق السريعه الا وتشاهد العروض بل ان سوق الجنادريه بالرياض امتد شمالا لكثرة الشبوك المؤقته للعرض .

هل هناك علاقة بين انتعاش سوق الاسهم وحركة البيع هذه ؟؟؟؟
ام بسبب عدم توفرتاشيرات الرعاة وشروط السعوده ؟؟؟؟
ام بداية تصحيح لاسعار الابل المزايين ؟؟؟؟
ام ان السبب غلاء الاعلاف فقط ؟؟؟؟

رد: مؤشرات بورصة الابل وسوق الاسهم

الموضوع للنقاش بارك الله فيكم ليس للمشاهدة فقط

رد: مؤشرات بورصة الابل وسوق الاسهم

وعليكم السلام ورحمة الله وبركاته
هل هناك علاقة بين انتعاش سوق الاسهم وحركة البيع هذه ؟؟؟؟
ام بسبب عدم توفرتاشيرات الرعاة وشروط السعوده ؟؟؟؟
ام بداية تصحيح لاسعار الابل المزايين ؟؟؟؟
ام ان السبب غلاء الاعلاف فقط ؟؟؟؟

كل ماذكرت له تاثير حسب نظري ولكن بنسب متفاوته لعل اهمها غلا الاعلاف والجفاف الحاصل من قلة الامطار الذي اثر ليس على المراعي فقط وانما حتى على نفسيه اصحاب الحلال بالسلب وكما قال الشاعر" البل اذا جتا الشحايح مملة ...وان جا االحيا تطرب هبيل الفوادي".
اضف الى ذلك المصائب الاخرى مثل:-
قلة عشار البل
الموت المفاجي للحيران
ندرة الانتاج الطيب.............فاذا كل هذا حدث وين الوناسة ونسينا الجو الرائع اللي نحن فيه من شهر نسأل الله حسن الخاتمه

رد: مؤشرات بورصة الابل وسوق الاسهم

في رايي

رعيان ما عاد فيهم بركه والراتب عالي ( والدوله مانعه الفيز ولا تحاسب الهارب )

اعلاف غاليه واحتكارات ومضاربات من المواطن والاجنبي ( والدوله تفرج )

الاسهم قد ارتفعت من قبل وانعشت سوق الابل ولا اعتقد لها تاثير

رد: مؤشرات بورصة الابل وسوق الاسهم

محمد المنصوري - خالد الفالح

اسعدني مروركما واثراء الموضوع بمالديكم

تحياتي

رد: مؤشرات بورصة الابل وسوق الاسهم

رعيااااااااااااااااان مااااااااااعااااااااااااد فيه

ورواااااااااااتبهم عااااااااااااااااااااليه

والحاااااااااااله حااااااااااااااااااااااله

والله العظيم أنهم يعيفووووونك في الحلال

رد: مؤشرات بورصة الابل وسوق الاسهم

في رايي

رعيان ما عاد فيهم بركه والراتب عالي ( والدوله مانعه الفيز ولا تحاسب الهارب )

اعلاف غاليه واحتكارات ومضاربات من المواطن والاجنبي ( والدوله تفرج )

الاسهم قد ارتفعت من قبل وانعشت سوق الابل ولا اعتقد لها تاثير

لاشلت يمينك بل اصبحنا ننتهب من العماله

رد: مؤشرات بورصة الابل وسوق الاسهم

اعتقد سوق الاسهم الايام هذي مغري جدا

ونا من اللي وقفوا شراء الابل واتجه لسوق الاسهم

رد: مؤشرات بورصة الابل وسوق الاسهم

الاسهم هي السبب وقد صارت قبل ..الناس تبيع تبي الاسهم..وحتى الاراضي في انخفاض .. ولاكن في المقابل الشراء قوي ولا شفت الجمل حتى الان بكثرة مثل زمان ..العمالة ليست سبب رئيسي و العلاف في نزول

رد: مؤشرات بورصة الابل وسوق الاسهم

1- عدم توفر الفيزا ...واذا حصلت على فيزا يتعذر وجود رعيان من الدوله التي طلبت منها.
2- وجود العماله المخالفه وغلاء الرواتب بسبب عدم وجود رعيان.
3- اسبشرنا بالسعر المناسب للاعلاف مابين 20 و 25 ريال لكيس الشعير والجاي الله يستر.
4- شح الامطار ونزع البركه ونسأل الله اللطف في عباده وبهائمه.
5- كثر الحلال الزين ولايوجد نوادر حاليا غير ماعرض في المزاينات.
6- والشبوك الجائره على مناطق الرعي من غير حسيب ولا رقيب والغرض تأجيرها على اصحاب الحلال.

نسأل الله تعالى بالبركه في مابقي لنا جميعا وان يفرج عن اخواننا في سوريا الجريحه.

رد: مؤشرات بورصة الابل وسوق الاسهم

فائز بن محمد

احمد العشري

فهد العضياني

فيصل بن مرخان

خالد السديري

اسعدني تواجدكم جميعا وطرح مداخلاتكم المفيده

رد: مؤشرات بورصة الابل وسوق الاسهم

صرااحه نقاشكم عقلاني ولكن كل اللي ابي اقوله تفضلوا به الربع

لا هنتوا جميعا وبيض الله وجيهكم على هالصراحه والشفافيه

رد: مؤشرات بورصة الابل وسوق الاسهم

الله لايهينك يابرجس انت والربع ماقصرتو موضوع مهم
كل الاسباسب الي ذكرتوها صحيحه فيه سبب اتوقع كثره الحلال ذي السنين
الدليل الابل مازلت ماسكه اسعارها جعله دوم انشاء الله
ولكم مني جزيل الشكر

رد: مؤشرات بورصة الابل وسوق الاسهم

ارتفاع الاسهم له دور كبير في جميع الانشطة ونزول الاسعار ملاحظ هذه الايام

رد: مؤشرات بورصة الابل وسوق الاسهم

السلام عليكم ورحمة الله وبركاتة
م ازيد على كلام ( بعض الاخوان ف المنتدى )
البعض او الكل قال م يشعر بة
والبعض تكلم ب واقع واحصائيات وهذا هو الصحيح
ارتفاع الاسهم سبب نزول اسعار الابل والعقار
هذي اجابتي ي ابو محمد وانا كتبت موضوع عن الاسهم اتمنى تطلع عليه وعلى ردود البعض
من جانب اخر احب اعلق على كلمة من بعض الاخوان الي يقول ان العامل راتبة عاالي
فكر ب انسانيه انت يالسعودي راتبك لا يقل عن 6 ومعك كفاائة وما عجبك وتبي زود وانت ما تستحق وشغلك لا اكثر من 10 ساعات ك حد عالي
والعامل مسكين مغترب عن اهلة وعيالة مساكين ويشتغل ليل نهار من فجر لين مسيان
يالربع في كل نوع فيه حراميه وفيه كل شي بس والله العظيم اننا في نعمة نجهلها
وانا ودي يصير راتب العامل فوق 3 ويستحقها
والي مايقدر على العامل يتحمل ولا يترك الابل ولا يحسد هالمسيكين الي يقط له 1500
لا وغيرنا يعلقة شهور وبعدين يعطيه راتب شهر الدنيا مصائب
اتمنى اني م اطلت بالحديث لكن العذر والسموحة
وفقتم لما يحبة الله ويرضاه