العوص

عندي بكر ناتج لها اربع ليالي ، أهلكتني واهلكتها ، عيت تخليني اقربها ماغير ترمح وتعض وتهبد ، قمت بوضع القيد في رجليها ، وخطمتها ، ولافائدة بمجرد وضع يدي على ديدها تخرش وتثفن وتدور وتمشي ، ربطت فخوذها فبركت ، وخنقتها في عمود بركت ، ايش الدبره يالطيبين ، وشكرا0

حلها هين شف لك سلك شايك ابو عقيده ولف منه شوي على شكل كوره وخله في راس عصا وكل ماجات تبرك احذف الكوره تحت زورها
انا سويتها في بكر ومن اول مره من لمس زورها الشايك وهي واقفه ولا عاد ابركت عقبها وان شاء الله تنفع الطريقه معك

نفس الطريقه ...........

اذا جيت احلبها بركت وكل ماجات تبرك احط تحتها من المعالف

واستمريت معها اسبوع والحمد لله نفعت معها...........

ارحب يا فارس

قيدها وخلها تسرح وإن جيتها تبي تحلبها شوي شوي عليها ولا تطيرها وخل معك خبز وعودها عليه الخبز بإذن الله بيطيح اللي في راسها ولقمها وخل الراعي يحلب شوي ويقارد لها شوي وبتهدا شوي شوي بإذن الله ولا تحاول تضربها .. وإن شفتها تبي تبرك حط تحتها شي يمنعها.

الله يوفقك

ارحب يا فارس

قيدها وخلها تسرح وإن جيتها تبي تحلبها شوي شوي عليها ولا تطيرها وخل معك خبز وعودها عليه الخبز بإذن الله بيطيح اللي في راسها ولقمها وخل الراعي يحلب شوي ويقارد لها شوي وبتهدا شوي شوي بإذن الله ولا تحاول تضربها .. وإن شفتها تبي تبرك حط تحتها شي يمنعها.

الله يوفقك

كلام جميل اما الكوره فاخاف الناقه تكترب وتبرك عليها وتجرحها جرح شين وخصوصا لي صارت مقيده

إذا كانت بكر تقدر تروضها مع الأيام بحيث تشد يدك عليها وإذا قيدتها والتفتت عليك تبي العض عليك بالعصا على خشمها وزي كذا كل يوم
المشكلة إذا صارت فاطر

أما البكر تروض مع الأيام مثل ما قلت لك إلا إذا صار شي في ديدها مرض ولا غيره فياليت تنتبه لهذا الموضوع