استشاره

يالربع انا عندي لقحتين

ابي ارشها بالجره وابي اعطيه حبوب للدود وابي اضربها ابر عن الجرب


فياليت الاخوان يعطوني رايهم هل فيها مضره على اللقاح

ارحب ياسالم
بإذن الله مايجيها ضرر

هلاوغلا فيك

أخي ابو باتل

ليس عليها ضرر من القاح

اضرب ابرة جرب وعط احبوب دود وأن شاءاالله تشوف العافيه فيها

ولا تنسى ترش المراح بالجره وعلى نحور البل ومكان القردان

بس حاول وأنت ترش الجرهيكون الوقت اخر النهار لأنها حاره على جسم الناقه

ولك تحيتي

الله لايهينكم ياخواني

وماقصرتو

اما عن رش المراح مانيب مقصر فيها ارشه كل يومين وارشها اخر النهار عقب العلف

أخوي سالم

أنصح بإعطائها أبرة الجرب ( ديكتوماكس ) مع الإلتزام بالكمية المطلوبة ومن ثم أغسلها بالجرة المخففه قبل المغرب.
وتجنب حبوب الدود

بيض الله وجهك يافهد ولاهنت على مرورك وتعقيبك

اخي الغالي فهد الاحمد

اسمع مع الاخوان ان الديكتوماكس امريكيه وشريت منها ووجدتها علبة زرقاء وصناعتها البرازيل هل هي المقصوده
وهل تعطى فى العضل


حفظك الله

هلاوغلا فيك

أخي ابو باتل

ليس عليها ضرر من القاح

انا اعتقد ان اللقاح ما تضر باي علاج او ابر خاصه علشان ما نقدر نخمن


وافضل نتظر الاخ عيد المنصوري علشان قد يكون عند ابله في المنطقة الشرقية اذا كان على خبري بها من اول ولا هو بقصور في الربع اللي ردوا على الموضوع

انا اعتقد ان اللقاح ما تضر باي علاج او ابر خاصه علشان ما نقدر نخمن


وافضل نتظر الاخ عيد المنصوري علشان قد يكون عند ابله في المنطقة الشرقية اذا كان على خبري بها من اول ولا هو بقصور في الربع اللي ردوا على الموضوع

الاخ مشعل ولا يهونون الربع

الاخ عيد المنصوري هو اول من رد على الموضوع
وهذا رده
ارحب ياسالم
بإذن الله مايجيها ضرر

وان شاء الله ما يجي اللقاح شي من ابرة الجرب ولا الجره مامنها الا السلامه من الجرب ان شاء الله

واسمع انهم ما ينصحون من حبوب الدود

يقول المثل أسأل مجرب ولا تسأل طبيب

حبوب الدود خطره على اللقاح وخصوصاً في القيض
وأنا أصعدت عندي ناقه العام في القيض وكانت لقحة على بعير غالي
والسبب حبوب الدود
مع العلم بأني أعطيتها قبل المغرب بشوي (( يعني براد ))
ومع هذا أصعدت

بالنسبة للدكتوماكس الزرقاء
ممتازه وأنا مجربها ودايم أستخدمها

الله لايهينكم يالربع وماقصرتو جميع عطيتونا رايكم الطيب وتجاربكم

وبنمشي عليها الله لايهينكم جميع