مرض العمى يصيب عدد من الإبل بالربع الخالي

السليل – الوئام – فارس الدوسري :
قام فريق بيطري مكلف من قبل وزارة الزراعـة بزيارة هذا اليوم الاثنين لمحافظـــة السليل للوقوف على مشكلة إصابـة بعض الإبل (بالعمـى) ، حيث ظهر المرض قبل حوالي الشهرين في منطقة مراعي الربع الخالي ( شرقاًً ) حيث وصف ملاك الإبل وبالأخص المتضررين بالحالة الغريبة التي لم يسبق وأن حدثت من قبل .
هذا وقد توجـه الفريق للمنطـقة لإجراء دراسة وفحص مخبري يتم خلاله التوصل ومعرفة أسباب المرض .

الجدير بالذكـر أن نتيجة فحوصات المختبر المركزي بوزارة الزراعـة للعينات التي تم إرسالها من قبل فرع الزراعة بالسليل ( سالبة )


اللي عنده خبر بهذا المرض يزودنا الله لايهينكم

صباح الخير ابو مانع

الله يكفينا الشر

اتوقع والله واعلم انها ظفاره

وهو مرض يصيب الابل في العين

ويسبب ضعف في الشوف للمطيه وبعظها بلعمي حمانا الله واياكم من كل مكروووه

وله كي من فوق قحف العين مثل الهليل او تحت العين

مادامت الفحوصات سالبه
البل بحاجه الى عنايه خارجيه مثل مراهم عيون
وابر فيتامينات ا د ه

البل بحاجه للملح
أو الأعشاب المالحة مثل الحمض (الرمث)

لاهنت يازاهر على نشر الخبر لتحذير الناس مبكرا عن خطر هذا المرض
الله يرفع هذا المرض عن حلال المسلمين

لاحول ولاقوة الا بالله ,


الله يدفع البلاء , ويحمينا وياكم وكل مسلم ,


لاهنت عالخبر يازاهر ,

خلال الشهرين اللي راحت كانت فترة التلقيح بالنسبة للنباتات

اي ان الجو معبأ بحبوب اللقاح وخصوصاً في المناطق اللي تكثر فيها النباتات مثل الربع الخالي حالياً

وهي تسبب الحساسية بمختلف انواعها بالنسبة للناس

فربما انها السبب في مثل هذه الحالات

مرحباً أخوي أبو مانع .. وبيض الله وجهك على نقل الخبر .
وعسى الله يكفي عطايا الله كل مكروه .

ولكم تقديري .. أبوعبدالرحمن

صباح الخير ابو مانع

الله يكفينا الشر

اتوقع والله واعلم انها ظفاره

وهو مرض يصيب الابل في العين

ويسبب ضعف في الشوف للمطيه وبعظها بلعمي حمانا الله واياكم من كل مكروووه

وله كي من فوق قحف العين مثل الهليل او تحت العين

ارحب يابو محمد وصباحك عسل وفل وياسمين

لكن هذا خاص بحلال الربع الخالي

لاهنت على المرور

مادامت الفحوصات سالبه
البل بحاجه الى عنايه خارجيه مثل مراهم عيون
وابر فيتامينات ا د ه

مرحبا يابو احمد

وان شاالله انها ماترى باس ولا حلال المسلمين

البل بحاجه للملح
أو الأعشاب المالحة مثل الحمض (الرمث)

مرحبا ياوليد

الرمث طيب وفوايده كثره خاصه ان راعيته مايجيها الحمم

لاهنت

لاهنت يازاهر على نشر الخبر لتحذير الناس مبكرا عن خطر هذا المرض
الله يرفع هذا المرض عن حلال المسلمين

مرحبا ياراشد

الله يرفعه عن حلالهم ولايبلانا

لاهنت على المرور يابو تركي

لاحول ولاقوة الا بالله ,


الله يدفع البلاء , ويحمينا وياكم وكل مسلم ,


لاهنت عالخبر يازاهر ,

مرحبا يانايف

الله هم امين وبيض الله وجهك على المرور الطيب

خلال الشهرين اللي راحت كانت فترة التلقيح بالنسبة للنباتات

اي ان الجو معبأ بحبوب اللقاح وخصوصاً في المناطق اللي تكثر فيها النباتات مثل الربع الخالي حالياً

وهي تسبب الحساسية بمختلف انواعها بالنسبة للناس

فربما انها السبب في مثل هذه الحالات

مرحبا يامبارك

وصدقت على ماقلت انا اخبر طال عمرك وقت الربيع وفي المناطق اللي تنبت

القلقلان يصيب البل في عيونها لانه يوجد به حبيبات تدخل بعين الناقه وتصيرالعين بيضاء

واحياناً ماتطلع حتى تمسك الناقه وطلع من عينها

مرحباً أخوي أبو مانع .. وبيض الله وجهك على نقل الخبر .
وعسى الله يكفي عطايا الله كل مكروه .

ولكم تقديري .. أبوعبدالرحمن

مرحبا يابو عبدالرحمن

الله هم امين ولاهنت على المرور الطيب

حسب معلوماتي

ان البل والغنم يصيبهم هذا المرض

في حاله عدم اكل الاعشاب الخضراء الرطبه

لمده طويله

لا حول ولا قوة الا بالله

الله يدفع البلا

والله أول مرة أسمع بهذا الخبر

وشكرا لك

زاهر مسسسسسسسسسساك الله بالخير اخوي إدا حصل حبوب في تجاويف الفم ومن ثم ينتشر
حتى يصيب العين فهذا غالب مايكون جدري وعلاجه المره تنقع ومن ثم يغسل بها الاماكن المصابه

وإذا كانت ظفاره فهي تصيب عين وحده في البدايه ومعرفتها إذا كانت ظفاره بعد ثلاث إيام
يتكون بياض على حدقة العين وهاذي بسيط علاجها انشاءالله ادخل اصباعك في الخشم اللي من جهت العين المصابه
تجد طرف القرظامه اللي من جهت العين كنها منشار اكرشها بطرف اصباعك حتى تدمي ومن ثم اكوها من تحت عرق الاذن بمطرق صغيره ولكن اسوها قدر الامكان وحذاري حذاري تكوي العين من تحتها او من فوقها

تحياتي وفالك الطيب