اكل وبر الابل لبعضها

عندي بكار تاكل وبر الابل اكل غريب وحالها طيب مدر احد عنده علاج يفزعلي

هذي طال عمرك نقص املاح
وعلاجها الاملاح المعدنيه عند الصيدليه البيطريه

مثل ماقال اخوي مبارك نقص املاح

الحل بسيط

انا صارت معاي سويت حركه ونجحت

اشتر فلفل وامسح الوبره والسنام ومن تاكل راح يحرقها وتنقطع هالعاده

امسحهم كلهم وترى بكره وحده تعلم كل البكار هالعاده

ياليت احد الاخوان يجيب لنا حل

صباح الخير على الجميع

اخوي بندر علاجها بسيط وأنا مجربه خذ (الشري_الحدج) وانصفه وافركه على البكار ومن يوم
تاكل البكرة من شعفة الثانية وتذوق طعمه معاد تقرب لها مرة ثانية خذ كلام مجرب والله يوفقك
تقبل مروري

المساله نقص فيتامينات واملاح لابد من وضعها في الماء

الاخ بندر صارت العام معي
وجربت الحدج أو الشري
اخذت حدج وقطعته انصاف ونقعته
في برميل ماء حتى الصباح
وقمت وصبيته على ظهور الحيران وحبستها
حتى الظهر منعت عنها طعام ولاشي
حتى اخليها جميعها تجوع وتكل شعر بعضها البعض
وكل واحد ذاق المر يحرم مره ثانيه
يعني فاطمه بنت فطوم
وهاذي التجربه ليوم واحدفقط لايحتاج التكرار
ارجوا أن تعم الفايده للجميع
مغليكم بندر بن مطر البقمي

الله يعطيكم العافيه علي الحلول الوافيه .

الله يبيض وجهكم وجه من طرح الموضوع يعني علاج اكل الوبر الشري

الملح علاااااااااجها

رد

اخواني الاعزاء السلام عليكم ورحمة الله وبركاته
جربت قبل ثلاث ايام الشري زي ماقال احد الشباب وفركته على شعوف الابل ولا فاد بشي صحيح منع بسيط وموقت
ورحت للبقاله وشريت فلفل احمر مكيس قوي مره وحطيته بسطل كبير تقريبا 7 اكياس وخلطت عليه جره شربته فيها وزدة عليه زيت لكي يمسك بشعوف البل ووبرها وسويت الطريقه ومشيت لرسفر ولاعاد ادري عن النتيجه
واذا فادت راح ابلغكم والله كريم

انشاء الله سوف تنقطع هالعاده

ونرجوا ابلاغنا

يالربع صباح الخير ابشركم نجح علاج اكل وبر البل
حسب كلام السوداني وهو
فلفل احم +جره +زيت محروق خفيف لجل يمسك في شعوف البل
وابشركم يقولي السوداني انها نجحت الطريقه واسسأل الله التوفيق لي ولكم
تقبلو تحياتي

معلومه طيبه بس الابل ناقصه الاملاح اخوي انت منعتها من اكل الوبر بطريقتك بس ماعوضت النواقص من الاملاح
حذ لك طوب املاح من الون الازرق الوحد سعره 7 ريالات خذا لك اربع حبات ووزعها بشكل مناسب على مراكيز الحوش
وصدقني بعد اسبوع بتشوف الابل تغيرت تغير جذري من وبرتها وحسن حالها