ورم قدام الديد بين السر والديد متكون تحت الجلد زي الماء

السلام عليكم ورحمة الله وبركاته
اخواني الاعزاء اولا يشرفني اشارك اول مره في هذا القسم واطلب استشاره لاهل الخبره
عندي ناقه خلفه وكسبتها وعشرت وشاركت قبل ايام في هجيج وبعد ذلك طلع في الناقه ....
ورم قدام الديد وخلف السر وهو متكون تحت الجلد زي الماء وقمت برشه بماء بارد والاحظه خف الورم
وبعض الشباب يقولي انه هيام واحد ثاني يقول لي انه ابودبه وكثرت الارياء وهو ماجاها الا قبل يومين
هل احد يعرف العلاج ومتاكد منه يالربع بدون اطاله جزاكم الله خير اخوكم الجدعي

طقها بإبرة هيام

تسلمياعبدالرحمن على سرعة الااجابه
وبيض الله وجهك مشكور على كل حال

نفس الحاله صارت بناقه عندي بس حايل الناقه

ونفس الاعراض ونفس المكان وزياده بعد بالنحر

وما عالجتها ومع البل وشهر واختفت هذي الترهلات التي كأن فيها ماء

هذي وانا اخوك عايديه
لاتطبب بالناقه
اصبر عليها فتره وتروح
ولو انه هيام كان تشوف الناقه تضعف والورم يصير مافيه ماء والوارام تكون في الديد والنحر والرجلين وتكون الاورام كبيره
مثل ماقلت لك اصبر عالناقه فتره وتروح ان شاء الله

بيض الله وجهكم جميع على الاجابه ومشكور جزيل الشكر يالسهلي على ماقدمته لي وريحتني من هم كنت شايله واشكركم جميع وتقبلو تحياتي اخوكم الجدعي

هذي وانا اخوك عايديه
لاتطبب بالناقه
اصبر عليها فتره وتروح
ولو انه هيام كان تشوف الناقه تضعف والورم يصير مافيه ماء والوارام تكون في الديد والنحر والرجلين وتكون الاورام كبيره
مثل ماقلت لك اصبر عالناقه فتره وتروح ان شاء الله

انا مع الاخ عبدالله فيما قال

لاتستعجل في علاجها اصبر وراح يبين لك

وان شاالله ماتشوف شر

هيام الله يحييك

هذا تأثير الهجيج اذا طلع الورم بعد الهجيج ويمكن ملاحظة الناقه عندما تبرك لاتبرك معتدله بل تبرك مستنده على طرف واحد
وهو اما تنظر لفتره وتعطي ادويه او تكوي مكان الورم اذا كان الورم اقرب للديد من السر
واذا كان الورم من قبل الهجيج يمكن يكون هيام او ورم من مسببات اخري مثل لدغه او غيره

الاخ عيد المنصوري

الله يطول عمرك ياعيد المنصوري ويطول عمر الجميع
اما بالنسبه للوريم اللي فالناقه = قبل الهجيج مافيها ش ابد
وبعد الهجيج بدا الورم في ديدها وتقدم بين السر والديد وهو زي الماء تحت الجلد
وضمرت الناقه فتره بعد الهجيج ولاتبرك بالسهوله تبرك النهار كله وبالليل ماتبرك الا قليل
واذا تكرمت تساعدني وش العلاج المتخذ من ناحيت الوريم هل انتظر وهو فعلا كل ماله يخف والناقه بدنتها الوقت الحالي زانت لاكن
المشكله في بروكها بالليل ماتبرك تتاخر اخر مايمرح من البل هي ولا استغني من ارشادك ياخ عيد ولا استغني من ارشاد النشاما اللي شرواك ومرت عليهم الحاله هاذي وعساها ماتمر على احد وشكرا على ماقدمت من ارشادات طبيه وتقبل تحياتي اخوك الجدعي

السلام عليكم ورحمة الله وبركاته

اخوي عبدالله عندي ناقه صارلها ورم فجأه وقال الصيدلي هذا يمكن يكون لدغه وطقيته ابره ضد التسمم والحمد لله راح

وقبل كذا كان في ناقه اخرى ولا عالجت ولاش تركته واخذ فتره وراح .. .. واتوقع انه يكثر في الصيف والله اعلم

وهذى صورة الناقه يوم كانت وارم شافه الصيدلي وقال عادي ..

وانشاء الله ماتشوف شر .

[align=center][/align]

ابوسعود مساك الله بالخير
بيض الله وجهك وجه الربع اللي ساعدوني
عزالله مثل ورم ناقتي بالظبط لاكن ماجاها الا بعد الهجيج
وقالي السوداني ان فيه ناقه ثانيه ورم ديدها وهي خلف ولا دخلتها يوم هجيجي فالبل
لاكن انت اكفيتني في هالصوره وطمنتني اكثر عسا الله يوفقنا وياك والف الف شكر يبو سعود
وفرصه سعيده مرورك الكريم وتقبل تحياتي اخوك الجدعي

طبيعي هالانتفاخ الجلدي وبفصل الصيف يكون اكثر من غيره وصار كثير عندي لاتعطيها اي علاج دام الناقه تاكل وحاله زين
وصدقني ايام قلائل وتبرك الناقه ويرجع الوضع الطبيعي لها مع العلم ان الهيام له نفس الاعراض بس بدون شهيه للاكل

الله يبيض وجهك يالوهبي
عساهم يبشرنك بالولد طمنتنا
وعلومك تبيض الوجه

طبيعي هالانتفاخ الجلدي وبفصل الصيف يكون اكثر من غيره وصار كثير عندي لاتعطيها اي علاج دام الناقه تاكل وحاله زين
وصدقني ايام قلائل وتبرك الناقه ويرجع الوضع الطبيعي لها مع العلم ان الهيام له نفس الاعراض بس بدون شهيه للاكل

دام الناقة تاكل وحالها زين لاتعطيها اي علاج