عاجل عاجل عاجل فزعتكم يالربع

[منذر الدوسري]

السلام عليكم ورحمة الله وبركاته


يالربع عندي مشكله في البل الله يطول اعماركم


وهي عندي في البل يوجد حشره في حجم حبة القهوه تشبه البعوض تقرص البل في كل مكان وبأعداد كثيره
وإذا طارت الحشره طلع الدم

ومطيره البل بلشنا فيها ورشيناها في السم الديزانويل مستحلب 60 و لا صار شيء

وسألت اهل البل جيرراننا وقالو ما شفنا شيء

غير مراحك يامال الغنيمه

شد وابعد عن هالمراح الموبوء

[منذر الدوسري]

محمد مراحي داخل المزرعه ومن حطيت البل ما كانت موجوده هالحشره
لاكن من تقريباً شهر وهي غاثتني

ومكرهتني بالبل

اذا كان لونه يميل للازرق هذا الذباب يسمى الزريقي ومافيه طريقه غير تغير الموقع

[منذر الدوسري]

لا طال عمرك هادي لونه اشهب

انا ماجربتة يقولون فية عند بعض المحلات التي تبيع البذور والاسمد الزراعية علاج الظاهر انة على شكل اقراص تحطة بجنب الشبك ويجتمعن علية جميع الحشرات (الذبان) ويقتلهن

اسئل عنة

السلام عليكم ورحمة الله وبركاته


يالربع عندي مشكله في البل الله يطول اعماركم


وهي عندي في البل يوجد حشره في حجم حبة القهوه تشبه البعوض تقرص البل في كل مكان وبأعداد كثيره
وإذا طارت الحشره طلع الدم

ومطيره البل بلشنا فيها ورشيناها في السم الديزانويل مستحلب 60 و لا صار شيء

وسألت اهل البل جيرراننا وقالو ما شفنا شيء

الأخ منذر الدوسري


[align=center]مشكلتك مهيب سهله ولا تظلم إبلك وتزهد بها في حياتها تراك بتحاسب عليها يوم القيامه.

الحشره اللي تذكرها هذا طال عمرك الذباب الأشهب يجي فالقيض ويخرش الإبل ويعمسها
وتكفى يا ابن عمي ماللأبل إلا مراتعها ولاتدخلها في المزرعه وتزهد بها وهي حيه.


أبعد الإبل عن المزرعه لأن الذباب بيستمر والعلم عند الله إلا أخر شهر ثمانيه هجري.

وانتبه طال عمرك لاترش الإبل بالجره اللي قوتها 60% تراها خطر في القيض وإن كانك
معزم فرشها مع المغرب وقلل الجره وحاول يكون عليكم هواء خلها تنطح براد الليل.


وإن كانك حول الرياض فجبها عند إبلي حول الرمحيه.



تقبل مروري ومشاركتي[/align]


تقبل تحياتي

بيض الله وجهك يا ظافر عزالله انك نصحت ابن عمك
نصيحه طيبه ما عاد انقول شي العلم عطاك اياه ظافر الدوسري
وباالتوفيق يا منذر

والنعم فيك ياظافر الدوسري عز الله انك نشمي

[منذر الدوسري]

بارك الله فيكم جميعاً يا اخوان
وبارك الله فيك يا ضافر


ولاكن فكرت اكلم البلديه تجي ترش المزرعه رشة البعوض والذباب لعل وعسى ان الله يفكنا من مشكلتنا

ابن العم الله يشفي حلالك بالنسبه لاذبان فيه بودره تباع عند حقين الزراعه وزينه لاذباب تكبها على جريده اوطربال وتجتمع عليه

وحاول توزعها في عدتة اماكن حول الابل واغسلها بجره في الصباح بدري قبل طلوع الشمس او قريب المغرب ابرد لها

الله يبارك للجميع في حلاله

[منذر الدوسري]

شكراً اخي إبراهيم

سأعمل بالنصيحه بإذن الله
وأسأل الله ان يبعد عنا الشرور كلها

مسيك بالخير يامنذر المزرعه وين محلها اهل الوادي واللي حولهاا يشكون من حشرة يميل لونها للاحمر
ولاقدرو يكفحونها وهي تجتمع على النور وكتبو عنها بالجرايد
والنصيحه اخوي منذر خل الابل باالخلا خلها في مهب الريح وباذن الله ماتشوف الا العافيه

[منذر الدوسري]

شكراً اخي محمد لا والله المزرعه محلها بالقصيم وهي بالخلا ومعرضها للهوى

ولاكن الحشره صارت اسمها الذباب الأبيض

بيض الله وجهك يا ظافر عزالله انك نصحت ابن عمك
نصيحه طيبه ما عاد انقول شي العلم عطاك اياه ظافر الدوسري
وباالتوفيق يا منذر

[align=center]الأخ ناصر المنيعي

ووجهك مايلام طال عمرك

اشكرك على المرور الطيب

تقبل تحياتي[/align]

والنعم فيك ياظافر الدوسري عز الله انك نشمي

[align=center]الأخ عبدالله الراجحي ونعم بحالك ولا عليك زود[/align]

بارك الله فيكم جميعاً يا اخوان
وبارك الله فيك يا ضافر


ولاكن فكرت اكلم البلديه تجي ترش المزرعه رشة البعوض والذباب لعل وعسى ان الله يفكنا من مشكلتنا

[align=center]الأخ منذر الدوسري

الله يبارك فيك

ولاتكلم البلديه من شأن ترش المزرعه ترا ريح الدواء بيأثر على إبلك والذباب بيطير مع الهواء
ولاهوب جايه شي وعقب أسبوع بعد مايروح ريح الدواء بيعود الذباب لإبلك مره ثانيه.


أرجو أن تقبل النصيحه



تحياتي للجميع[/align]