الصبة

السلام عليكم عندي ناقة اذا تمشي تسحب خفها للين تحفت مع العلم ان الارض صخرية قاسية اضافة الي ذالك ساقها نحل جدا
والحين تضلع ماتقدر تسير مع البل وش اعلاجها المناسب لا هنتوا .

مال الصبه الا الكي يامحمد
هنالك علاجات بيطريه ولكنها متعبه بعض الشي وبحاجة متابعه
نتائجها متفاوته

لا هنت يا عيد وبارك الله فيك اخ عزيز وغالي الظاهر بتوكل علي الله وكويهاااااااااااااااااا
والله يكتب اللي فية الخير

الكي يامحمد لازم يكون عن طريق شخص خبير لان موقع الكي اذا ماصادته الكيه مافيه فايده.

انا مع اخواني اللي سبقوني
ومثل ماقال اخوي علي لازم واحد خبير بمعنى الكلمه
اذا كانك في الرياض فيه واحد يقال له مطر الشمري ويمدحوووووونه
بس الحقيقه دورته وتعبت مالقيته
انت دوره كود الله يوفقك

اخوي علي ال مرعي لا هنت وجزاك الله خير وكذالك الاخ السهلي لا هنت يا السنافي