الناقه ما تمشي

[منذر الدوسري]

السلام عليكم ورحمة الله


سؤال لآهل الخبره

عندي ناقه ما تحب تمشي كثير
يعني تطلع من الشبك وتبقى حوله ما تبعد وإذا مشيناها مع البل تمشي بس تقل انها كارهه المشي

ما ادري وش العله
بارك الله فيكم

الناقة شبعانه

السلام عليكم


أعتقد إن الناقة شبعانة الله يبارك فيها
و إذاك توك شاريها يجوز إنها مطبعة على الشبك (ماتسرح)



وسلامتك

كان الناقة باكستانية فا هذا طبع البل الباكستانيه .و إذاك توك شاريها يجوز إنها مطبعة على الشبك (ماتسرح).

شوف كيف تبرك الناقه يمكن فيها ذيبه
الناقه اللي فيها ذيبه ممشاها ردي ولا تحب تمشي

عندي ناقه فيها صبه و ذيبه و ممشاها ردي و ماتحب المشي تأكد إذا بإذن الله سالمه من الي ذكرت اكيد انها مثل ماقالو الأخوان ناقة شبوك متعوده إذا هي توك شاريها

[منذر الدوسري]

عندي ناقه فيها صبه و ذيبه و ممشاها ردي و ماتحب المشي تأكد إذا بإذن الله سالمه من الي ذكرت اكيد انها مثل ماقالو الأخوان ناقة شبوك متعوده إذا هي توك شاريها

يا اخي عبدالله هي ما هي ناقة شبوك كانت تمشي ممتاز بس لاحضتها ما تحب المشي من تالي وإذا هرولت البل هي ما تقدر تهرول

ماهي الصبه؟

السلام عليكم
الاخ منذر اذا كان اكلها ماهو بمضبوط وماتمشي ولا تباعد ولى اخذة شوي بركت هذي والله العالم عليها حراره
وماتعدا4 او 5 ايام ويغدي شرها ولاحظ عليها ماتعدا الضل والتنكر واتمنا لك وللاخوان السلامه ولحلالكم
وتقبل تحياتي