ضروووووري وعااااااااااااااجل

[align=center]بسم الله الرحمن الرحيم
السلام عليكم ورحمة الله وبركاته [/align]
إلى أخواني أعضاء المنتدى والزوار أود أن أعرض عليكم مشكلة أبلي " الأبل عندي تأكل خشب الرمث مع أن غصون الرمث الخضراء موجودة حتى الحيران الصغار الله يدفع منا ومنكم البلا" والشي الثاني " الأبل تأكل دمنها (بعرها) أعزكم الله وكذلك حتى الحيران الصغار" مع العلم بأن طابوق الملح الأبيض والأزرق موجود وكذلك طعام الأبل شوار مع شعير مهروس ومكعب الوافي فقط ومع ذلك لم ينفع وأرجو منكم المساعدة بأسرع وقت

مرحبا اخوي
بالنسبة للرمث فالابل تفضل اليابس ولاتاكل الاخضر
اما اكلها لدمنها فبسبب الشعير وحتى لوكان مهروس
تقبل مروري

مع اخوي خالد

بس لو تقرأ الموضوع تلقاني كاتب تأكل خشب وليست الغصون وبقيتكم تساعدوني على حل المشكلة

[منذر الدوسري]

الله يفرج عنا وعنك

بس ياليت لو تطعم البرسيم ولو بكميه قليله باليوم

انا صراحه ماعندي شي اساعدك فيه اللا اني بقول لك ترا اكل البل للجروم خطير وذبح ناقتين العام عند واحد من الربع وحداها ودوها للجامعه في الحسا ولقو الجرم شاق الامعاء.

ولكن كثر العلف واهم شي الحشايش وترا اطيبها الذره والبرسيم وهذي راح تمنع البل من المفلى في الرمث لان الرمث في الوقت الحالي مايصلح للرعي.

اما الدمن فهذي صارت ظاهره طبيعيه تتفاوت من علف لغيره واكثر شي تاكل البل دمنها مشتقات الشعير خاصه العلف الردي اللي مايشبعها.

بالنسبة للرمث ماعندي معلومات عنه

لانة اصلا غير متواجد في المنطقة اللي انا فيها ...!!


اما بالنسبة للشعير عندي ناقة فاطر هي الوحيدة من الابل اللي تاكل
دمنها مع العلم اني قطعت الشعير عن الابل كلها بسبب هذي المشكلة
وجبتلها ملح ابيض وازرق ...

ومافية فايدة لازاالت مستمرة على الخطاء الله يصلحنا وياها كخخخخخخ

حتى في بعض الاخوان قالو سبب الحمة الملطية هي اكل الناقة
لفضلاتها ...


مادري ايش الحل ؟؟؟

اللي تاكل دمنها هذا بسبب نقص الاملاح والفيتامينات والسبب الثاني يكون في الناقه دود
عطوا البل اللي تاكل دمنها ثوم وبتشوفون الفرق ان شاء الله

بس ياشباب من كلام الأخوان أن الشوار وحده ماينفع (مايسمن) يعني لو قطعت الشعير بيكون طعامها بلا جدوى
مع العلم بأنها من يوم جات من الربيع إلى هذا الوقت ماعطيتها حشايش بس شوار+شعير مجروش لين غلا الطعام وبعدين اضفت لها مكعب الوافي والبل طيبة وسمان بس مخرب عليها ذا العذروبين واتمنى تساعدوني في حل هذي المشكلة جزاكم الله خير

الاخ عبدالرحمن اكل الغصون اليابسه مافيه شيء و البل ماترعى الرمث الاخضر لانه يتعبها واكلها لدمنها طبيعي صار
والبل لو انها ما تشبك اتوقع يخف الموضوع هاذا واتوقع الشعير هو السبب
بنسبه للخشب اذا كان من شجر البر عادي جدا

لا والله الأمر ماهوب عادي أنا اقصد أن الأبل طول النهار ماترعى إلا الحطب اليابس مع أن الرمث موجود لكن تأكل الحطب وحتى الحيران الصغار صارت ماترعى إلا الحطب الله يجيرك ويجيرنا من الشين عسى أن أحد من الأخوان يلقى لنا حل وبأسرع وقت

الله يكفاها الشر ان شاء الله
انا اشوف انك تبعد من الرمث وتنزل في قاع فيه ثمام
وان شاء الله يزين حالها ويتغير طبعها

اخواني بعد التحيه انا صار عندي انو الغنم تاكل دمنها وهذا ماهو عشان الشعير انا ما اعطيها شعير ولاني مجوعها الغنم كانت شبعانه ورحد للدكتور وعطاني مجوعة فيتامينات بودره طاع عندهم نقص في الفيتامينات ووياكلون صوف بعضهم وخلط الدواء مع الماء لمدة ستة ايام
ستة ايام مستمره والحمدلله ماصارو ياكلون دمنهم ورجعو طبيعي

السلام عليكم ورحمة الله وبركاته

اكل الرمث :
البل ما تأكل الرمث الاخضر الا مجبوره وليس باختيارها وانما الجوع هو اللي يحدها عليه لان الرمث الاخضر حار جدا ويمغص بطونها وطبيعي انها تبحث عن الجزء اليابس منه وهو الجروم ونصيحتي لك :
شبعها في الحشايش اي كانت وحسب قدرتك (برسيم او ذره او رودس) والا فا اضعفها التبن لملىء بطونها

اكل الدمن :
هي تبداء احتياج وتنتهي بان تصبح عاده
والبل تشم ريحة الشعير المختمر في الدمن وتاكله ونصيحتي ان تقوم باعطائها شراب الدود فهو يخفف من الاثار السلبيه لاكل الدمن

وتقبلوا تحياتي

انا راي ان تشتري لها برسيم طازج اخضر

ويكون عشا لها بس لا تحط معه خبز نخال مكعب شعير

يكون برسم فقط


وشف النتيجة ان شاء الله تكون ناجحه

تحياتي لك