التفييخ

عندي ناقتن ثنية وعادها بكر ـ لها سنتين ولا بعيرن حولنا ما ضربها ، والناقة تعشر بعد كل ضراب وإلى أرهينا بلقاحها تفاجئنا أنها كاسر ، وعذبتني لا يوجد فيها لحم على شان يقطع ولاهيب سمين ونقول عاقر وعيت تضم اللقاح ، ولا ادري هل كثر الضراب يخلف امراض ، عموما يقولون آخر الطب الكي وأنا ماكويت لكن خببت لها بعود وملح وقبل التخبييب أدخل الراعي يده ونظف رحمها وأظهر عسى الله يكرمكم مني الركاب من بطنها مع ان آخر ضراب لها منذ ثلاثة اشهر ، وسوف آجول بها هاليومين على حدا الفحول ونشوف ، لكن السؤال اللي نبي جوابه ليه الكسار المستمر ، وهل الملح أو العراص والطراد يسبب ذلك،،،،

حياك الله يا فارس

با النسبه للكسار المستمر من اسبابه نقص في بعض الفيتامينات والاملاح

والملح ماله اي اسباب في الكسار

شف لك واحد ممتاز يدخل عليها ويفضل يكون بدوي

وكثرة الضراب ما يخليها تلقح حاول تخليها لين تيسر صح وحدها على البعير وان شاء الله تمسك لقاحها

التفييح واللقاح شي من الله ولكن ابذل الاسباب وتوكل على الله

اذا تعشر فتره وتكسر فهي تحتاج لغرف وتنظيف الحوافط

اتركها الين تجسر بعد التنظيف وضريها وبعد ثلاث ايام من ضرابها اعيد عليها

لان البويضات يمكن ماتنزل في اليوم الاول من الضراب

وملحها لان الملح الخشن اذا وضعته في الحيا يقطع الجسره

ولاتحدها على البعير بين يوم واخر لانها تخاف والخوف يكسر في الناقه

ووجود اكثر من بعير في الابل ماهو زين او تغيير البعير والهجيج تجنبه

لها وانشالله ان كتب الله بتعشر

حاول يكون الضراب وهي مايله للامام وبعد مايقوم الفحل خلها تركض ركاض مسافه قصيره

مرحبابك

واللقاح عند الله سبحانه هو القادر على ذلك

ولكن لنا حننا ان نتوكل عليه ونبذل الاسباب

اما من صوب انها تكسر

الملح ماله اي دخل فاللقاح او ماشبه ذلك له اذا قطعت منها انه يمنع الالتهابات فقط

وهناك ابر تستخدم لتثبيت العشار فيه نوعين وحده تعطيها اذا البعير فوقها ووفيه وحده تعطيها بعد ماتبين لك انها معشر على طول تضربها


واذا مافاد معك هناك كي وهو اذا اضربها البعير ونزل منها تكويها تحت عجمة حياها ولازم يكون هناك فاهم في الشغله هذي

وخل الكي ااااااااخر ماعندك

والله يبارك لك ويتمم عليها باللقاح


تحياتي

مع اخوي فهد