خراج (يتجدد)

[align=center]السلام عليكم ورحمة الله ,,,,,,,,بعد التحيه
يوجد عندي فحل عمره ثني كان فيه خراج بورك البعير المهم سويت له جراحه بنفسي واخرجت مابه من صديد
المهم بد يكبر الخراج مره اخر بشكل سريع وينزل صديد منه

وش الحل؟
هل اطلب دكتور يعمل له عمليه جراحيه
هل يوجد علاج شعبي مجرب

تكفون ياشباب الهمه واللي عنده شايب ياليت يسئله عن الموضوع
البعير رجله اللي بها الخراج تهز من شدت الاالم[/align]

مرحبابك

والله يشفي بعيرك ان شاء الله

اما من صوب الخراج

انا قد جربت طال عمرك شفط سم بحت او الدواء الازرق (( البخاخ )) وكبيته داخل الخراج
مرتين ورا بعض يعني كل يوم مره من صوب السم اما من صوب البخاخ مافيه مانع اذا استمريت لين يسلم الجرح

والحمدلله سلمت وافتكت منه

وانا الحين عندي علاج جديد بجربه في بكره عندي بكره واذا فاد راح ابلغك به ..!


اما من صوب الكي فانصحك تخليه اخر شي وهو عباره عن حلقه على الخراج هذا اذا كان لين ماهو قااااسي

وسلاااامتك وعفااااك

عندي اضافه بسيطه

حط كريم ادارين علي الخراج

وراح يخف

الكريم عند البيطري

والله يشفيها

اخوي فهد
ولاخ نمر
الخراج حجمه كبير شوي شي منفتح ولاخر منتفخ وصار له مثل الروس الحجم 15 سم في 15سم
يعني الحجم كبير

بالاضافة الى مشاركات الاخوان
لاتنسى ترش الخراج بماء مقري فية
وخل البعير يشرب منه

الخراج ماله الي اتغسله بمحل

وتسويله حلقه تكويه

الكي بطريقة تتحليق المكان حتي تصبح عليه أالدائر او مربع

المهم انه يتسكر من جميع النواحي حوالين الخراج وبأذن الله ما يطلع الخراج مره ثانيه

أنت تقول نظفت الخراج من الصديد

انا صارت لي في أكثر البل والحمد لله وفقني الله ونظفتها ولا عاد رجعت
اللي انا سويته اني شقيت الخراج ونظفته من الصديد وغسلته بمويه وملح لين نظف , همن حشيته ملح وعويدي حشو لين امتلى الخراج
همن رشيته ببخاخ الازرق رش خفيف عشان مايطلع الملح والمسمار اللي في الجرح
عقبها الحمد لله ماعاد طلع
لكن تأكد انك غسلته بالملح ولا عاد بقى من الصديد شي
وعسى الله يشفي بعيرك

اعادة الموضوع لاهنتو والافاده

الخراج يصبر عليه لين يقسى ويشق ويخرج الي فيه ويغسل بماء وملح للتطهير وهناك طرق عديده تضاف مثل
ادخال شاهي بكيسه وبعد كم يوم يسحب و يخرج معه كيس الخراج كله
او اضافة سم
او عويدي
ويجب ان الي قوم فيها خبير في الامور هاذي
لاكن ابحث عن سبب الخراج امكن من المكعب واي شي ثاني

الصديد الي يطلع يجب ان يدفن بعيد عن المراح لانه يعدي البل

الصديد الي يطلع يجب ان يدفن بعيد عن المراح لانه يعدي البل

جزاك الله خير على هالمعلومه والله انها جديده علي

[align=center]محمد صب في خشم البعير نصف لتر زيت سمسم اصلي لمدة ثلاثة ايام و نتظر 15يوم بعد ذلك سيخرج جمع الصديد ولن يعود الخراج باذن الله حسب تجربتي الشخصيه[/align]

اخو ي شق الخراج ونظفه من الصديد وحط ملح مكانها

رد: خراج (يتجدد)

مرحباً بالجميع بعد غياب طويل للموضوع
اخبار البعير
الورم ليس خراج ويسمى نويخس او الناسور
وديته لمستشفى الاحساء وعملو له العمليه
بعد أسبوعين كبر وبدى يمشي في ماخرت البعير
حالته تردت وتم بيعه قصب في ذالك التاريخ
النويخس يسمى سرطان الابل عند خبراء الباديه
واتمنى تجديد الموضوع لهذا الورم الخطير

رد: خراج (يتجدد)

اخوي محمد النويخس من اصعب الخراجات بالابل
ويداوى بالمضادات الحيويه حقنا بالخراج مع عمل معاويد من طبخ الحنظل
وللمعلومه البعض يسلم والبعض الاخر لا