تغصص الابل

السلام عليكم


سؤال جزاكم الله الجنة لمن له خبره بهذا الحاله


عندي الابل من اسبوع تقريبا لاحظت انها تغصص عند اكل الطعام تمد رقبتها وتطرقها وكأن الطعام ماينحدر


وبعض الابل تتغ ( ترجع الطعام ) بعد الاكل مباشره


وطعام الابل مكعب الوافي وبرسيم والبل في ارض فيها رمث وغضا

والطعام كميته مناسبة اذا مافيه نقص مافيه زود


وبصراحة ماعرفت السبب احيانا اقول ان البل تاكل جروم الرمث والغضا ومجرحة حلقها وملتهب ويصعب مرور الطعام

واحيانا اقول من مكعب الوافي لاني حسيت انه صاير قاسي كأنة حجر ماهو مثل اول


اتمنى اجد اجابة شافية ووافيه ؟؟

شهلا فيك اخوي الحربي

عندي مثل هالمشكله لناقه بس مو كل البل ولاتزيد هالناقه بس انا طال عمرك ماتغص الا من الشعير والمجرووش اما المكعب عادي

ولا ادري وش المشكله سئلت ناس عنها وقالو يمكن ملتهب حلقها افحص فمها ولا فحصتها خليتها ولاكن انت تقوول كل البل

وهذا اكيد من علفك الاخير او البل حاصل بحلووقها شي اما من ناحية الغضاء والرمث مايسوي شي لان اباعرنا واباعر ربعنا في الرمث

والغضاء ولا صار فيها شي


ولاكن اتمنى يجيبون علينا من جرب علاج لهالمشكله


واتمنى الشفاء العاجل لابلك


وشكرا

الأمر عادي بعض البل إلى منها شافت العلف في المطاعم والبل حوله
من الشفقه تغص فيه تخاف أن أماتها بتاكله عنها
وهذا طبيعي وعادي


كثر المطاعم ووزع عليها الكمية نفسه وبإذن الله راح يتغير الوضع
وسلامتك

هلابك يانايف وجزاك الله خير على كرم المرور

وان شاء الله ماتشوف ناقتك شر

بارك الله فيك يافهد

شورك يمكن ينفع ان شاء الله

وانا فكرت بان البل اكثرها شرهه بالاكل وتغصص من السرعة

وبجرب زيادة المعالف وتوزيع الطعام


حفظك الله وشكرا لشورك الطيب

السلام عليكم ورحمة الله
اخوي كلام الاخ فهد صحيح بأذن الله واضيف عليه دامنا فالقيض حط مع المكعبات ماء اذا ميضر مع الوافي
لان ماعندي خبر في تركيت الوافي ونوع من العلف والله يباركلك في حللك
وتقبل تحياتي

[align=center]اخواني الشفقه نعرفها

ماهي شفقه اقوولك املا المعالف من الاكل والناقه من سنتين وهي نفس المشكله لاكم لما اعلف مكعب عادي تاكل لين تعوود والبرسيم


عادي بس المشكله بالشعيير وبالمجروووش


وشكرا لكم[/align]

هلابك اخوي جدعان

ان شاء الله بجرب الين الوافي بالماء

رغم اني اعلف من سنتين بالوافي وما تكررت معي هذه المشكلة الا قبل ايام

اخواني الشفقه نعرفها

ماهي شفقه اقوولك املا المعالف من الاكل والناقه من سنتين وهي نفس المشكله لاكم لما اعلف مكعب عادي تاكل لين تعوود والبرسيم


عادي بس المشكله بالشعيير وبالمجروووش


وشكرا لكم

بارك الله فيك نايف

اليوم كثرت المعالف ووزعت العلف لكن لازالت العلة موجوده

مادري عاد اذا تتعود البل وتترك الشفقة بعد كم يوم


وبجرب رأيك وارش العلف بالماء

لان اليوم زارني جاري وقال كانت نفس المشكلة عنده ورش العلف بالماء وانتهت المشكله



واليوم فحصنا الوافي وفعلا صاير قاسي ماهو مثله اول

ويحتاج للماء لتليينه

انتهت العلة ولله الحمد والفضل والمنه

بعد رش المكعب بالماء

والمشكلة كانت في جل البل ودقها


وحبيت اعطيكم خبر للفائده


ومن يعلف الوافي انصحة برشحة رش خفيف لتليينه


لان الوافي تغير وصار قاسي وايضا مع قساوته حجم حبات المكعب كبيره شوي

الاخ نواف اعطنا النتيجه بعد الرش

الاخ نواف اعطنا النتيجه بعد الرش

حياك الله يافيصل

الحمد لله النتيجة طيبة بعد الرش بالماء

اصبح المكعب لين وتوقف تغصص الابل ولا عاد تتغ وترجع

والمشكلة كانت بدق الابل وجلها وانتهت ولله الحمد مع الجميع بعد الرش مباشرة


وانصح مستخدمي الوافي برشة بالماء لانه صاير قاسي وحباته كبيره

لان الغصة قد تسبب اختناق ثم النفوق لاقدر الله

يفيدونك الاخوان

انا اعطي ابلي وافي معا الماء ولا يضر فيها

يفيدونك الاخوان ان شاء الله