سؤال عن الكبريت

يا اخوان
والله انه ناقع العام بالمقيض كله
بحوض الماء الي تشرب منه البل كلها
لقحات و خلفات وبكار و حشو
والله ما شفنا من الله إلا الزين ولا تصاعد شي
من فضل الله وانا الي مجربها ماهو غيري

من فضل الله وانا الي مجربها ماهو غيري

انا ابلي كلها لقحات احطها لها وعلى مسئوليتك ؟

للكبريت فوائد كثير ورا ح احط موضوع فيه

انا ابلي كلها لقحات احطها لها وعلى مسئوليتك ؟

اخوي الغالي عبدالله
يقول المثل (ماينطح الله كود الخبل)
الله اعلم اما اذا القصد على مسؤليتي فما احط
في ذمتي شي ولكن إلا عزمت بك فأنتخ
الله يحييك و اباعري تحت امرك
والقصد من الموضوع الفائده للجميع وليس التحدي

[align=center]السلام عليكم ورحمة الله وبركاته
الموضوع شدني صراحه لاكن أهل الخبرة يضعونه في المقيض فقط
لان له فوائد أما في الشتاء ماينفع ولايصيب مكروه الا ماكتب الله
وشكراً[/align]

يقولون الشيبان انهم يستخدمونه اذا حصل في الابل جفال وانا استخدمه وطلع الكلام صحيح

ماهو علاقة الكبريت في جفال الابل وضح لنا
جزاك الله خير

الكبريت يركد الناقه الجفول يعني الناقه الخريش الي اتروع من اي شي 0000000000وسلامتكم

الكبريت مضاد حيوي والكثره منه تسبب الصعاد

بصراحه استخدم الكبريت وهوممتاز لجلد البل وزين لشعرتها ولا شفتله ضرر

الله يعطيكم العافية جميع


الكبريت يباع في البيطره ولا في محلات المواد الزراعية والخلفات ما يغير طعم لبنها وسلامتكم

الكبريت الاصلى استعملته فى ابلى زين للقرع ولجرب ويذبح القراد لكن لاتكثر لانه يضر القحات