افيدونا ياالربع اللي عنده خبره في خواريج الابل

يالربع انا عندي ابل يظهر فيها خواريج في خويرمها وفي نحرها
وعيا يفرقنا يروح فتره ويرجع لها
اللي عنده خبره يفيدنا جزاكم الله خير

يفيدونك الاخوان

السلام عليكم ورحمه الله وبركاته فيه مرهم اردني لونه بني وغطاه اسود ممتاز 0000واذا تطعم ابلك مكعب ترا هو السبب واتمنى للك التوفيق

[align=center]عليك بالثوم حطه لها في الحنفيه مع الماء

وخلها تشربه طررررق

وان شاء الله ماعاد تعرف النواجم

وعليك بمكعب الصوامع اذا حصلته[/align]

مع الاخ حسين
ولقمهت بصل

السلام عليكم

أخوي ضافي أولاً إذا كان الجرح عاده ما انفتح ادهن راس الناجمه أو الخراج في المرهم الأسود - موجود عند البيطري -
لين ينفتح وطلع إلي فيه من وصخ وحاول أنك تضغط على الجرح حتى الطلع ما فيه - لازم تربط الناقه - وبعد هذا اغسل الجرح من الداخل بالماء والملح وبعدين عندك خيارين الأول تضربها أبرة بنسلين ، والثاني تجربتي الشخصيه أنك تعبي الجرح من الداخل عسل لأن العسل مطهر

بعد هذا ما يرجع الخراج في نفس المنطقه ، لأن لو تركته من دون تنظيف يسكر الجرح على الوصخ ويرجع الخراج من جديد

الف شكر للجميع وبيض الله وجيهكم

[align=center]السلام عليكم ورحمة الله

اخوي ضافي انا صاب ابلي الخواريج وصارت تطلع في البل بشكل غريب وبكثرة
وغيرت العلف من المكعب الى الشعير ولله الحمد بدا يخف اللين ما انقطع عن البل كلها
واللي انا اكتشفتة ان المكعب هو اللي جاب للبل الخراج

والله ينجينا وياكم [/align]