الفزعه يالربع ابي علاج

السلام عليكم ورحمةالله وبركاته
ابيكم اتفيدوني ودورون لي اعلاج
عند واحدمن الربع بعير طيب ولا ألقح وسنه هالزمن رباع
ضرب جذع وضرب ثني يفكونه بالصفري ويربطونه بالصيف

ما ألقح عند راعيه ولا ما ألقح في كل ضرابه عند راعيه وغيره

إن كانه ما ألقح لراعيه فقط وعند الناس يلقح عندهم فراعيه محروم منه بعين حاسد

وإن كانه مايلقح مرة بتاتا فيمكن البعير يعسر أول هدادهـ ، لايفك إلا على ميسّر تربع توه هي ماتطرح له


والله يمنح راعيه منه ولا يحرمه


تقديري

حياك الله يا فهد
حاول تاخذ عينه من البعير وتفحص في مختبر عن وضع الحيوانات المنويه اذا كانت سليمه او لا

السلام عليكم ورحمه الله وبركاته اغسل قب لبعير بورق سدر وباذن الله يلقح وبالتوفيق

البعير ماألقح لاعنده ولاعند غيره ولا يعسرومشكورين على الردود ولاهنتو يالربع

مساك الله بالخير يافهد

في شراب إسمة (إسلينيوم )وهو متوفر عندكم في المملكة ومجرب عندنا ونفع لنفس الحالات هذي وهو يعوض النقص من فيتامينات ويقوي الإخصاب عند الفحول وانصحك إذاهاج إظراب واحد كل يومين ألله يكتب الخير

امكن البعير صيفي ولا القح جذع او انه ماكتب له
الثني وني يلقح ولا يلقح
امكن البعير يلحقه سر من ابوه اقصد امكن ابوه فيه نفس الشي
امكن طعامه غير سليم ويطعم الشعير خفيف

فيه واحد من الربع نفس هالحاله ولا ألقح الا رباع ,,, فيه ادويه تقوي الاخصاب بس وجهة نظري ان الادويه تضر اكثر من انها تنفع

الله يرزقك منه الانتاج الطيب

ارحب يا ابوسعد والاخوان ماقصروا

م مساكم الله بالخير
الله لايهينكم على الردود ومشكورين على كل حال

الله يكتب له الشفاء