اسئل مجرب ولا تسئل طبيب

أخواني الكرام المكعب وما ادراك مالمكعب اضرار المكعب
1- ضهور خرجان في اماكن عده
2- ضهور ورك الناقه
3- الناقه تكون ضامر
4- تكون سمينه في السنام لكن حالتها النفسيه رديه (ماتقر)
5- عند تغييره الناقه تضعف بالحيل ولا يرجع حالها إلا بعد وقت طويل
كتبت وجهة النظر عن تجربه

بيض الله وجهك ياعبدالعزيز على المعلومه
ويرجى نقل الموضوع الى القسم المناسب

عز الله انك صادق بكل كلمه قلتها
والله اني تعبت مع أبلي بالخواريج اللي يطلع بنحرها واللي يطلع قريب من عينها
وبطونها ضمرت
وقطعت المكعب ولا شفت الا كل الخير صح اني الى الحين اعاني من الخواريج بس أرحم
نبي اللي عنده معلومه عن الحوار اللي امه كانت تاكل مكعب هل يجي عادي ولا لا

والله ياخوان الموضوع يحتاج الى بحث كبير من وجهة نظري

اما عن تجرتي الخاصة فأنا اعطيه البل عندي من اربع سنوات والبل عليه سمان ونفوسها زينة وحيرانها طيبة والحليب خذحليب وحلو

ولكن الخراريج فصدق اخوي عبدالعزيز كل فترة يطلع شي ويروح .

اما الغنم فعزالله انه كثرت فيها الخراريج خلال ستة اشهر لين وقفته عنا ورديتها على الشعير ,.

سبحان الله , الحلال يختلف
انا اعطيه لأبلي من سنين ولا شافت الا العافية

كلام الاخ عبدالعزيز صحيح لكن الحل سهل وهو بتنويع اطعام وبعدم اتركيز على المكعب فقط

عز الله انك صادق بكل كلمه قلتها
والله اني تعبت مع أبلي بالخواريج اللي يطلع بنحرها واللي يطلع قريب من عينها
وبطونها ضمرت
وقطعت المكعب ولا شفت الا كل الخير صح اني الى الحين اعاني من الخواريج بس أرحم
نبي اللي عنده معلومه عن الحوار اللي امه كانت تاكل مكعب هل يجي عادي ولا لا

حياك الله يا عبد الله

با النسبه للعلف ماله اى سبب بكون الحوار زين او عادي حسب تجربت ناس اعرفهم

[align=center]أنا أعلفه البل من سنين ولا أزين منه لها ولا أزين من نفوسها ووبرتها وحالها
لكن هناك شيء أحب أقوله أن الوافي سبق أن أعلفته وسبب خرجان في نحور البل
وأنا أعلف الآن مكعب الصوامع[/align]

انا مع راي كل الاخوان بس يمكن المكعب من قبل سنتين ماهو نظيف متغير

بالنسبه لمكعب الوافي انا جربته سنه
زانت البل عليه حال وشعره بس المشكله انه يعقم البل ماتلقح الا بعد تقطيع وجهاد وبعضها تقفلت ارحامها

بيض الله وجهك
عز الله انك ما قصرت
عاد تصدق اني كنت بكرة بروح اشتري لنياقي مكعب
تقبل مروري