الناقه المصعده

السلام عليكم

عندي ناقه مصعده مرتين العام والسنه ....والحين أصعدت من أسبوع تقريبا ...وراجوا من الأخوان أن تساعدون على علاجه والشافي الله..

مايد آل بومنذر

انا عندي فاطر قبل سنتين اصعدت واللي ماخذها منه يقول انها تصعد في سادس شهر
السنه اللي راحت جبت لها منشط رحم والحمد لله هي الحين بشهرها الثامن ولا عليها خلاف

عليكم السلام ورحمه الله وبركاته

حاول تسوي تحليل دم للناقه والتحليل هواكبر دليل للمرض الى في الناقه سواء فيها شي او لا

وعليك السلام ورحمة الله وبركاته

أخوي مايد عليك بالتحليل هو الفاصل مثل ماقال أخوي فيصل

الله يشفيها ان شاء الله ويبارك لك فيها

اولا شي الناقة تعزل من الابل لان اصعاد يعدي وعلاجها طلع عليها دكتور يشوف رحم الناقة وان شاء الله تلقح ويتم القاحه وجيبلك البكره الغاليه

وعليكم السلام ورحمة اللة \ الناقة فيها ارتخاء فى عضلة الرحم ولا تكثر لها العلف من اشهر 6 لين تلد عشان ما تضغط على ارحم \ ومزاحمها مع البل يضرها \ والناقة تبى عناية

الله يشفيها

افحص الناقه عن الملطيه والله يشفيها

بييض والله وييهكم ماقصرتوا ......منهم من قال السمنه والناقه البكر يسبب هذا الشيء ...وغيرهم قالوا شيء في بطنها وانصحوني بالحبوب الدود ....


وأبرة اازمبور الحارة الهنديه شورايكم ؟؟؟ يمكن يوكون فيها الهيام هل هذا المرض يسبب لها أصعاد؟؟؟

الله يشفيها ..... اعزل الناقه عن الابل اكد على الراعى بالمعامله الطيبه وافحص دم الناقه
والشافى الله . الله يرزقك منها البكره الطيبه والغاليه .

الله يشفيها ..... اعزل الناقه عن الابل اكد على الراعى بالمعامله الطيبه وافحص دم الناقه
والشافى الله . الله يرزقك منها البكره الطيبه والغاليه .

مشكوور يا عبدالعزيز على المرور والأفادة....وآميين ويرزقك ان شاء االه

اخوي مايد
يجب فحص الناقه من قبل طبيب مختص
حيث هنالك عدة اسباب لمثل هذه الحالات

اخوي مايد
يجب فحص الناقه من قبل طبيب مختص
حيث هنالك عدة اسباب لمثل هذه الحالات

تسلم ياعيد وان شاء الله نعرضها على الطبيب أقرب وقت