علاج مرض الطير

الله يشفي حلال المسلمين

انا يالربع عندي علاج مجربه انا في بكره لقيه فيها طير وشفت ولله الحمد

الا وهو الكي

كويتها من تحت عضمة الجمجمه بين الاذنين بمطرق صغير واعلى السنام واعلى عكرة الذنب

والحمدلله شفاها الله بعد كم يوم

يعطيك العافيه اخوي خالد السبيعي والاخوان اللي شاركوا بالموضوع.
وانا بعد ضرب معي مرض الطير في اول الرمضان وحده من البل والطير اللي جاها في وروكها واول يوم مشت شوي وطاحت على جنبها وبعدين لابغت القومه تسحب رجيلها شوي وتوطا عليها وتمشي وحطيناها في شبك بلحالها ولاكلت شي واليوم الثاني جبت لها علاج من الصيدليه عندنا وعطاني الدكتور لها ثلاث ابر الاوله ابرة الطير وهي اقوى وحده واسمها T500 وتعطى 25سم كل يوم لمدة اربع آيام في الوريد ووقتها اما قبل طلوع الشمس او عند الغروب وانا عطيتها قبل طلوع الشمس. والثانيه فيتامين واسمها Flunidyne وهذي تعطي في الخويرم 25 سم كل يوم لمدة ثلاث ايام . والثالثه اسمها Multivitamin وهذي تجي ابرتين صغار كل وحده فيها 5 سم تعطى بعد في الخويرم كل يوم وحده لمدة يومين .واهم وحده صراحه اللي في الوريد وعطيتها بعد صعوط في خشمها قبل طلوع الشمس بدري لمدة يومين واستمريت على العلاج والحمدلله اللي طابت الناقه وقامت تاكل واستبدنت ولاعاد فيها الا العافيه . وعلى فكره مرض الطير علاجه اول ماتشك في الناقه عالجها على طول.
وادري اني طولت عليكم. وسلامتكم

السلام عليكم و رحمة الله و بركاته


يعطيك العافيه اخوي خالد السبيعي والاخوان اللي شاركوا بالموضوع


عندي أستفسار عن المرض هل هو قاتل خلال فترة قصيرة ، و هل هو معدي

حيث ماتت عندى بكرة أمس لم تطل فترة مرضها حيث مات بعد 3 ساعات من ضهور أعراض المرض

و مات البعير قبلها بيوم ولم تطل فترة مرضة حيث مات بعد 4 ساعات من ضهور أعراض المرض

علماً بأن حالتهم الصحية قبل موتهم كانت من أفضل البل ، ولم نعرف المرض هذا قبل موتهم

و الحمد لله على كل حال و الله يحفظنا و ياكم و حلالنا و حلال المسلمين من كل شر

الاخوان الكرام ارجو التكرم باعطاء تعريف باعراض المرض
لان المسميات قد تختلف او يكون غير معروف الاسم وخاصة عند المبتدئين مثل حالتي
وجزاكم الله خيرا
تقبلوا تحيتي

علاج مرض الطير بمشيئة الله

السلام عليكم ورحمة الله وبركاته،

لقد حدث وأن اصيبت إحدىالنياق لدي بمرض الطير - فور ملاحظتي للمرض قمت بإعطاء الناقة مجموعة فيتامينات لمدة 5 أيام متتالية بمقدار 15-20 سم في العضل وعلاج يقال له (ULTRA B) بمقدار 20-25سم في العضل لمدة يومين مع تكرار العملية بعد أسبوع وتماثلت الناقة للشفاء والحمد لله لكن يجب الإسراع بإعطاء العلاج فور ملاحظة اعراض المرض والتي غالباً ما تبدأ بترنح وإختلال في توازن الناقة أثناء المشي.

السلام عليكم الاخوة الاعزاء
ان ولدت عندي وجابت بكرة وقعدت عشرين يوم وماتقوم ودايم راس راجع على سنامها ورقبتها كنها خيط
وذكر لي واحد من الاخوة ابرة موجودة عند الصيدليات البيطرية عندنا بقطر واسم الابرة ابرة الطير سته سانتي ومخلوط معها
فيتامين سته سانتي وكل يوم اربعه سانتي وبعد ثلاث ايام بفضل طابت وقامت تمشي وترضع من امها وابد ازين منها ما فية
وهذة حقيقة احصلت معاي قبل شهرين وهذا رقمي 9745280852 + اخوكم محمد عيد العنزي

رد: علاج مرض الطير

السلام عليكم ورحمته وبركاته:
1- هل علاج الطير للابل مثل الغنم ولالا.

2- اللي يعرف علاج الطير للاغنام يعلمنا الله لا يهينك,
وشكرا,,,,,,,,,,,,,,,,,,,,,,,,,,,,,,,,,