ياهل النصح ابي النصيحه

السلام عليكم ورحمة الله وبركاته
كل عام وانتم بخير
وينعاد علينا وعليكم بالصحة والعافية
فيه وحد من الربع عنده قعود مزيون وموقف
بس يدينه مطرقه من الركبه ومن الخف له سنتين وفي ارض رمليه
واذا جاء يقوم يبيله دقيقتين عشان يقوم وبيدخل جذع
وقد حده علي بغالي وها الايام يبي يبيعه علي برخيص
وابوه منتج واخوانه من ابوه فحول منتجه
هلا له علاج كي وغيره فيه امل بعد الله
ولا عليه خلاف المنطرق يضرب ولا لا
وبيض الله وجيهكم انا عارف طولت عليكم كاني اقص قصه

عليكم السلام ورحمة الله انشاء الله له اعلاج فية كي وهو ترقيم الكرمة بالكي وعلاج صيدلي حبوب نحاس هذا إذا كانت ايدية مطرقة

بيض الله وجهك
ويشرفني ردك
القعود يالله يقوم من الركبه

وعليكم السلام ورحمة الله وبركاته

وأنت بخير أخوي محمد

إن شاء الله إنه له علاج فيه قعود كان عند واحد من الربع متطرق من الركب وكواه مطارق عليها وقام يعطيه لبن خلفات كل ليل وشفي بأمر الله.......

إن شاء الله أني أفدتك

ماقصرت يابو عبدالله
ومنك نستفيد
ونسمع راي الاخوان اللي صار له قعود وابطت فيه الطرقه

ياربع ارجو الافاده
وهل القعود المطرق يضرب او بيثر عليه

مرحبا يابو شامان كان القعود طيب ويستاهل ويدخل جذع ورخيص توكل على الله واخذه واذا كرمة اليدين انفصلت من الفرسن فليس له علاج واشرط على راعيه الضراب او فكة وشفه قدام عينك بس لاتنسى الناقة اللي تشوفها ميسر وتقرب من البعير نوخها له واعقلها وفقر لها حتى ماتوجعه والله يكتب النصيب .

الله ييسر امرك

بيض الله وجهك يابن عدوة
ومقصرت كيفيت ووفيت
وبيض الله وجهك يوافي
ومشكورين على مروركم ونصحي

الله ييسر امرك

القعود اشتره اذاك اتعرف احديكوي البل علشان يكوي القعود وبذن الله يسلم

بيض الله وجهكم والقعود طيب واخوانه وصلت ملايين وخواته مثل
واذا الله وفق واخذناه بعرضه لكم والله ييسر الامور