اورام في يوم وليله؟ الافاده للاهميه!

السلام عليكم ورحمة الله وبركاته
الى الزملاء في منتدى مزاين بعد التحايا
عندي مشكله في احد الابل وهي من اغلى النياق على قلبي
معلومات الناقه
العمر/ سديس ام رابع
لقحه وانتاجها بعد شهر يعني شهر 12
حاله بدينه اكلها ممتاز وبالها كذالك

اعراض المرض
ورم/ الديد
ورم/ قدام السر
ورم/ قدام النحر
اورام في يوم وليله انا عندها قبل يومين ولم الاحظ الاورام المذكوره
ملاحظ الناقه شهيتها ممتازه
الناقه خاطرها ممتاز
وللمعلوميه لاتدمع العين

وانا جاهز لاي سؤال عن الناقه

الرجاء من اهل الخبره واهل التجربه الافاده ولهم جزيل الشكر

اخوكم/محمد الوهبي التميمي

اخوي محمد الناقة راعية شبك والا تسرح وتروح .

اخوي محمد الناقة راعية شبك والا تسرح وتروح .

مرحبا اخوي محمد
الناقه بالبر وتسرح بس مهنا من بعد
واشكرك على سرعة التجاوب

حياك الله يا محمد

وش طعام الابل الى تطعمها

وكم الكميه

ماعليها الا العافية انشاء الله بعض البل لا نزل ديدها قبل الولاد تخف السير وتكون كمية السوائل واضحة على جسم الناقة من قلة المشي وبعد الولادة سرعان ماتتلاشى .

حياك الله يا محمد

وش طعام الابل الى تطعمها

وكم الكميه

مرحباا اخوي فيصل واشكرك على مرورك
طعام الابل رودس مستمر في معالفها ومكعب وافي بمقدار مناسب

ماعليها الا العافية انشاء الله بعض البل لا نزل ديدها قبل الولاد تخف السير وتكون كمية السوائل واضحة على جسم الناقة من قلة المشي وبعد الولادة سرعان ماتتلاشى .

الله يبشرك بالخير اخوي محمد
والحقيقه اني تخوفت من بعض الامراض مثل الهيام وغيره من الامراض الخطيره
وللمعلوميه الابل مسراحها من اسبوع تقريباً شبه واقف ولاتبعد حول الشبك عشان رحولها مهيب معها هالاسبوع
وانشااء الله الرحول الجديده جاايه وترجع لمسراحها الاولي
لاهنت على تعقيبك ومرورك العطر

ناقتك انشالله ما بها شي

يجي دايم في بعض الابل اللقحات القريبه من الولاد

وهو عباره عن ماء حوالين السر ويتم ايام بسيطه عقب الولاد ويروح من كيفه

لا تتعب حالك الامر سهل

هذي الحال مرة معنا كثير

تقبل تحياتي

اخوك : عبدالعزيز العصيمي

ناقتك انشالله ما بها شي

يجي دايم في بعض الابل اللقحات القريبه من الولاد

وهو عباره عن ماء حوالين السر ويتم ايام بسيطه عقب الولاد ويروح من كيفه

لا تتعب حالك الامر سهل

هذي الحال مرة معنا كثير

تقبل تحياتي

اخوك : عبدالعزيز العصيمي

اشكرك اخوي عبدالعزيز العصيمي
الله يبشرك بالخير
واليوم الصباح انا عند الابل وابشرك الناقه وضعها تمام بالنسبه للورم اللي قدام السر اختفا وصار جنب الديد
واللي قدام نحرها مثل ماهو ماتغير بس الناقه خاطره ابشرك طيب وعلى الله الاتكاال

الله يمنحك منها ويبارك في حلالك
والله يستر عليها

اخوي ناصر اشكر مرورك العطر
والله يجزيك الف خير

يالربع خلو البل تمشى وخاصه القاح

يالربع خلو البل تمشى وخاصه القاح

مرحبتين اخوي هادي
ابشرك البل تمشي من صباحها لحد تالي عصير
ولاهنت على مرورك العطر

صارت معاي نفس الحاله قدام الديد وبالنحر

كأنه كيس ماء الجلد يترهل ويختظ

وشرحت الحاله للدكتور وقال لي التهاب وانا اعرف ان الناقه سليمه
مع البل ولم اقتنع بالدكتور وتركتها وحالتها واكلها طبيعي
وبعد 15 يوم اختفت وزانت الناقه يعني ناقتك انشاء الله مافيها شي

اخواني ماهو علاج البدوة التي تخرج من رحم الناقه اعزكم الله قبل الولادة باشهر قليلة ؟ وهل تكون عيبا في الناقة؟

وسع صدرك يالتميمي مهنا الا العافيه
بسألك وش لون الناقه