عـاجل جــدأ

السلام عليكم ورحمة الله وبركاته
مساكم الله بالخير أو صبكم الله بالخير
يشرفني ان اطرح الموضوع في منتدى مزاين لما فيه من فائدة للأهل الحلال وأهل البل خـاصــــه
الموضوووع
كنت في سوق الحسا وشفت لي حقه حلواااااااااااا بها بس مشكلتها مريضه ولا ادري وش مرضها
البكره حالها مايسر ضعيف واعزكم الله ذارق
سآلت راعيها ( سوداني ) قال شريتها وكانت مريضه وكانت وروكها منتفخه
ولا ذرقت الا عندي من ابرة الهيام والعلاجات
واليوم حالها احسن بس ضعيفه
ودي اشتريها واتطبب فيها بس خايف مالها علاج
افيدوني جزاكم الله الف خيــــــــــــــــــــــــــــــــــــر

مرحبا ياسلطان وكلام السوداني خله يولي يبي يبيع باي طريقة والبكرة كان ماني واهم ان فيها السلاق وهو مرض مميت ومعدي وراعيته حالها ضعيف وذارق ووروكها بارزه من الضعف .

صحيح الله اعلم انه السلاق وانا عالجت بكره عندي فيها السلاق ولله الحمد سلمت
عالجتها بعلاج الحيران اللي هو السايل حق الذراق تعطيه كل اسبوع علبه كامله وانشاء الله يفيد

ياخوي ياسلطان وش لك فيها حقة و مريضة
نصيحتي لك إفتك منها

والله وانا اخوك طب سوق البل واشتري اطيب منها
اما عاد تبي تشتريها وتدفع اكثر من راس مالها عشان عالجها والله حرام
انا هذا من رأيي
تقبل مروري

مشكورين يالربع على ردودكم والله لا يحرمكم الآجر
بس يااخون البكره لي فيها نظر ولي فتره ادور لي عجم
مالقيت مثلها وفي سنها
سعرها يالربع ( 3000) ثلاثة الآف ريال
يعني قيمتها قيمة قصب
واتمنى اني اشتريها واعالجها وان شاء الله تســلم
وانتو اخوان ويسرني اخذ شوركم .. على قولت شرواكم
اذا انت شوير نفسك خذلك من الناس شوير

اذا فيها سلاق لا تشتريها لأن ماله علاج

السلام عليكم 3000 مافيها مغامره اشتر البكره وعالجها بالعسل الطبيعي وانشالله تشفا

البكره حسب كلامك مسالق والسلاق مرض خطير وبالنسبه لتجربتي ماعمرها سلمت ولاوحده عندي من اكثر من عشر حالات خاصه اذا وصلت لمرحلة الذراق.

اما اذا تبي تجرب حظك والبكره كفو فهذا شي راجع لك والله يكتب لك اللي فيه الخير.

مشكورين على الردود والنصايح الآخويه
الشكر لكل شخص رد على الموضوع
ولكل شخص قراء الموضوع واستفاد
اخوكم سلطان الدوسري