الناقة بنزل مع حليبها دم

السلام عليكم ورحمة الله وبركاته
صباح / مساء الخير للجميع

يالربع عندنا ناقة يطلع مع حليبها دم من شطر واحد وقبل كم قام يطلع مع شطرها الثاني دم والدم ماهو دايم احيان يطلع واحيان يختفي
وبعدين حليبها خفيف بالحيل كنه مويه

ولاندري وش علتها

السلام عليكم،

هذي عندها إلتهاب في الضرع، عليك بالإبر إلي تعطى داخل الشطر(لكل شطر إبره) لمدة 5 ايام وكذلك إبر البنسلين لمدة 5 ايام في العضل ام 5 دقات ولا تكررها عقبها لأن البنسبين يقلل الحليب، انا مجربة ونفع مع ناقة من نياقي.

أمكن ديد الناقة حفيان .. فيه حفى يا فيصل ..

مرحبا يافيصل وكان الناقة توها والد الامر طبيعي ونظفوا الديد من اللبن باستمرار .

يمكن يا فيصل سمت اديد فيها جرح ارفع القادم وشف يمكن فيه جرح

وانا عندي ناقه مثلها ورفعت سمت اديد وعينته مجرح وحطيت فازلين وسلمت

لاهنتوا على هالردود جميع والناقه مافيها ولافيها جرح يمكن لها حول شهر ينزل مع الحليب دم وبعض الاحيان ينقطع وحليبها خفيف والناقة لها حول 3 شهور والده وترا ديدها كبير

السلام عليكم،

هذي عندها إلتهاب في الضرع، عليك بالإبر إلي تعطى داخل الشطر(لكل شطر إبره) لمدة 5 ايام وكذلك إبر البنسلين لمدة 5 ايام في العضل ام 5 دقات ولا تكررها عقبها لأن البنسبين يقلل الحليب، انا مجربة ونفع مع ناقة من نياقي.

[button=سبحان الله وبحمده ** سبحان الله العظيم]مع اخوي[/button]