هل البعير يضره الظراب وهو سمين بطنه

السلام عليكم ورحمة الله وبركاته

إخواني الأعضاء
عندي سؤال واستفسار عن الفحل (البعير)
البعير الآن سمين جدا ولا هوب يم الضراب وهو كبير شاق نابه
وعندي بعض الإبل عشاير جذعات ودي انه يضربهن على شان إن شاء الله السنة القادمة خلفات ،،،،،،


السؤال :
هل أفكه فيهن يضربهن او انتظر حتى يضعف بطنه !!!!!
أنا سمعت انه يضره إذا اضرب وهو سمين بطنه ؟؟؟؟
في انتظار أراء وخبرات الإخوان في المنتدى خصوصا الشيبان هل البل
الله لا يحرمنا من أهل الخبرة ،،، والتجربة ،،، والمعرفة ،،
والسلام عليكم ورحمة الله وبركاته ،،،،،

وعليكم السلام ورحمة الله وبركاته

حياك الله يا عبد العزيز

ضراب البعير وهو بطين يضره

خله الين يقفل بطنه وهده على البل

خل البعير يدوج في البل وهو مقيد ولا تخليه يضرب ايلين يقفل ذا قفل اضرب به

اخوي اذا كانت النياق شحمها وسط وهي مجاسيرخله
يضربهن الصباح بدري مع البراد وبطنه فاضي ونشا الله
ماراح يضره وبيهيج ويقفل بسرعه

أخوي فيصل

اخوي سعيد

اخوي عوض

الله يجزاكم كل خير

المشكله ان العامل فكه في البل وضرب عشرا بس الحمد لله ما هيب سمين بالحيل

الله يستر وينزل البركه



خلق الانسان من عجل


لكم مني جزييييييييييييل الشكر على ردودكم الوافيه ...

ا لبعير لهاج خف بطنه
وبعيرك اعتقد انه على اول الهياج وخف عليه الطعام

الفتاق يااخوان من اهم اسبابه تهد البعير والبعير ماهب يعني بطنه ماضمر

أخوي سالم ،،،،،،،، سلمك ربي من كل شر

اخوي خطاب ،،،،،،،،،الله يعطيك العافيه على نصائحك المفيده

لكم مني جزيل الشكر والعرفان على مروركم الكريم

الفتاق يااخوان من اهم اسبابه تهد البعير والبعير ماهب يعني بطنه ماضمر

كلامه 100%
والفتاق اول اسبابه الضراب والبعير ماهب
لاتستعجل اول الموسم وباقي واجد على هباب البعارين انا عندي ثنين وتوها باديه تتحرك

مع كلام الأخ عوض الشيباني

وازيد عليه ان اليوم الي تبي اتضرب فيه لا تعلفه

ودور النياق الي حالها ردي من الشحم

اخوي انا عندي بعير سمين ويوم هاج نحف لحاله

البعيرما يضره الضراب وبطنه مليان
وبعدين وش هو اللي يضرة وهو بطنة سمين

خفف عليه الاكل وان شاء الله بيهيج ويقفل

البعير اذا ماهاج واضرب خطر عليه من الفتاق هذي معلومه ثابته

ربي يعطيك العافيه


بيض الله وجيهكم


الله لا يهينكم