وش علاج المفرودة

بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بكل خير

يا اخوان عندي بكره مفرودة طلع فيها ورم جنب زورها من يمين وش علاجها الله يجزاكم خير

وضّح أكثر
هل الورم كأنه ماء
أو يطلع منه صديد
او قاسي ولا يطلع منه شي وأن شاء الله نقدر نفيدك

وعليكم السلام

ياليت توضح مثل ما قال اخوي ابو فاضل
وش نوع الورم


ولك تحيتي

لا الورم قاسي مايطلع منه شي

خفف الماء على البل وخلها وقت واحد شربهن على الساعه 12 الظهر فقط
المسراحه لاتتركه
لاتعطيه اي علاج اذا هي تاكل وخاطرها طيب
واعتقد اللي فيها طبيعي ويصير بالبل كثير ووقت ويروح

خفف الماء على البل وخلها وقت واحد شربهن على الساعه 12 الظهر فقط
المسراحه لاتتركه
لاتعطيه اي علاج اذا هي تاكل وخاطرها طيب
واعتقد اللي فيها طبيعي ويصير بالبل كثير ووقت ويروح

يعطيك العافيه يامحمد البكره خاطرها طيب وتاكل طبيعي بس الورم جاها بعد مانزلناها من الونش بيوم وزورها زاحف يمين وواضح جدا انها زاحف من مكانه والورم قاااسي مره

اعتقد ان اللي في بكرتك (جنفه )
وهذا طبيعي مايظر اللا اذا هذا الورم يحوش في عضدها سارت
فهو يوجعها في المشي ويهدا عليها اذا ارتاحت

اعتقد ان اللي في بكرتك (جنفه )
وهذا طبيعي مايظر اللا اذا هذا الورم يحوش في عضدها سارت
فهو يوجعها في المشي ويهدا عليها اذا ارتاحت

صحيح يامحمد كثير اللي شافوها قالو اللي فيها نجفه بس المشكله الورم يحك في عضدها ولا ادري الورم ذا له علاج

أنا بعطيك رايي وأن نفع ولا ماهوب ضار وبصراحه ماجربته بس أشوفه بالصيدليات
فيه مرهمين للأورام واحد غطاه أسود والثاني غطاه بني والأفضل البني
جربه ومانتب خسران شي وعطنا ملاحظاتك وش صار ووش تغير وأنا بتابع الموضوع للأستفاده