ورم قدم النحر‏‏!‏

السلام عليكم ورحمة الله
اخواني بمنتدى مزاين بعد التحيه
عندي ناقه فيها ورام قدام النحر اذا ضغطت على الورم تقل ضغط على معجون تبقى اثار الضغطه شوي
الناقه اكله ممتاز
خاطره طيب
بس هالورم غريب ولا ادري وش السبب
للمعلوميه الناقه لقحه وولادها بعد شهر

اخوي هاذي احتمال تكون طفيليات الدم وحتمال كبير تكون
نوع من انواع الهيام(ابوجريجير) اذا احتر النهار تلقا عيونها تدمع والورم
يبدا في النحر وبعدها ينتقل حول الزار ويمتد مع الرقبه لاكن افضل شي
بامر الله للحالتين ابرت الهيام الخليجيه وخمس فصوص ثوم كل يوم مدت
اسبوع وذا خايف عليها خلها لين تولد ويجدل ولدها وبدا العلاج

الله لايهينك اخوي عوض كفيت ووفيت

[align=center]والله يشفيها[/align]

هذي صارت لي بناقه عندي وكانت لقحه وماخليت شي ماسويته فيها لا علاجات هيام ولا علاجات كبد ولا حبوب دود
كل شي سويته وعرضتها على أكثر من دكتور وكلهم قالوا انه سرطان
لين نشدت الشيبان وعطوني العلم وقالوا انها عين
لما ولدت زاد اللي فيها وصار في رجلينها وديدها لدرجة اني مااقدر أنظف ديدها وحوارها ضعيف مايقدر يرضع
لكن لما صارت الناقه حايل راح اللي فيها والحين بادي يرجع لها لأنها لقحه
وأنا نصيحتي لك ماتطبب فيها لأنك بتتعب والشفا بيد الله لكن عليك بالممشى ترى الممشى زين لهالورم بالذات لكن أحسن شي يكون المسراح يوميا ومسافات طويله
عسى الله يشفي ناقتك

اخوي هاذي احتمال تكون طفيليات الدم وحتمال كبير تكون
نوع من انواع الهيام(ابوجريجير) اذا احتر النهار تلقا عيونها تدمع والورم
يبدا في النحر وبعدها ينتقل حول الزار ويمتد مع الرقبه لاكن افضل شي
بامر الله للحالتين ابرت الهيام الخليجيه وخمس فصوص ثوم كل يوم مدت
اسبوع وذا خايف عليها خلها لين تولد ويجدل ولدها وبدا العلاج

مع الاخ عوض

السلام عليكم ورحمه الله وبركاته ياجماعه الخير خلو اللقاح تمشي علا الاقل 3 كيلو يوميا وبتشوفون النتيجه