الكل يكتب كمية الاعلاف والنوعيه

[align=center]السلام عليكم ورحمة الله
اخواني في منتدى مزاين بعد التحايا
المطلوب منكم كل واحد يدخل يكتب الاعلاف( نوعيه وكميه) اللي يعطيهاا للابله بي مافي ذالك الفحل والحشو ان وجد
والمقصود بذالك الفائده بين الاعضاء في البرنامج الغذائي للابل والكل يستفيد من تجربة الاخر

والبدايه عندي
عدد الابل 30
رودس بشكل مستمر باالاحواض
نصف كيس مكعب من كل يوم

الخلفات
عدد 5
3 بالات ونصف برسيم من كل يوم فقط
الفحل
نصف باله برسيم من كل يوم مع طاسه صغيره من مكعب وافي

مع العلم يوجد عندي حشو وحاله وسط
المطلوب من الاخوان التفاعل والطرح لتعم الفائده[/align]

موضوع جيد يالتميمي
العدد 50 بعجمها
رودس بشكل دائم
كيس شعير موزع بالتساوي بين الاحواض
الخلفات اللي تحلب 11
خمس بالات برسيم
البعير برسيم مستمر
وطاسه كييره شعير
الحال ممتاز للابل

::
جميل جداً الموضوع
وسأضع لكَ موضوع الاخ عيد المنصوري وسيفيد الجميع بكل تأكيد
التغذيه السليمه للابل
:

موضوع جيد يالتميمي
العدد 50 بعجمها
رودس بشكل دائم
كيس شعير موزع بالتساوي بين الاحواض
الخلفات اللي تحلب 11
خمس بالات برسيم
البعير برسيم مستمر
وطاسه كييره شعير
الحال ممتاز للابل

هلابك اخوي خطاب ولاهنت
تجربة الشعير مع حلالك
يقولون ان الشعير سبب اولي لظهور الخراج في الابل
انا جربته فتره من الفترات ولاناسب الابل عندي منها العوده لفضلاتها اكرمك الله وظهور الخراج في بعضها
ياليت تعطيني طريقتك في الشعير هل هو مجروش هل هو منقع

السلام عليكم عشراة ناقتك يالتميمي

عليكم السلام ورحمة الله وبركاته اخوي محمد

موضوع جيد اتمنى ان تعم الفائده

عدد البل 40 مع الحشو

قبل ماتسرح عدد 3 ملبن ذره

تعشى كيس شوار ويوم مكعب وافي يعني يوم ويوم
الحشو مكعب وشعير وذره واحيانا برسيم حسب الحاجه وعلى اماتها ترضع
الفحول مكعب وشعير وتمر مطحون مع برسيم وذره

احالة البل ممتازه ولله الحمد واسال الله ان يسقينا الغيث امين

وتقبلوا تحياتي

السلام عليكم عشراة ناقتك يالتميمي

ابشرك كلها معاشير عقب الرجال اللي عطيتك رقمه
بشر انت وش صار معك بناقتك؟

ابشرك كلها معاشير عقب الرجال اللي عطيتك رقمه
بشر انت وش صار معك بناقتك؟

والله ان وديتها لمستشفى القصيم وانتضر العشار

الرودس على طول في الاحوااض

الذره او التبن في وجه العدو بعد ماتعود من مسراحها

العشاء شعير مجروش

مشكور اخوي على الفكرة الجميلة...
عدد الابل: 80 خابط
دائم اعطيهن رودس
و 6 بالات برسيم
الفحل رودس ومكعب وبرسيم
والحمدلله البل كذا مرتاحة لا كثرة في المصاريف ولا قلة للاكل

هلا بالجميع ..
العلف الدائم شعير .. وكل يوم ثالث أعطيها تمر وأحيان خبز يابس ..
أما الخلفات أعطيها برسيم ..
وحالة البل ولله الحمد أكثر من رائعة .. ومرتااحه بالحيل . الله يدوم الراحه للجميع ..

عدد البل 15 سطلين حقت البويه نخاله ...وسطل ونص شعير مجروش مخلوطه بالماء..

وحبة تبن في وجه العدو وحبه مخلوط والا برسيم حسب المتوفر ....هذا بالليل ..


اما بالنهار الصباح حبة تبن ...ثم تسرح البل الين العصر ....

والحاله فوق الممتازه ...


والحشو والبعير البرسيم والمجرووش بشكل دائم ...وحالتها فوق الممتاز

وشكرا


بس ابي اعرف هل الرودس ممتاز للبل يعني افضل هو والا التبن اكرمكم الله..سعرها حول بعض

عدد البل 15 سطلين حقت البويه نخاله ...وسطل ونص شعير مجروش مخلوطه بالماء..

وحبة تبن في وجه العدو وحبه مخلوط والا برسيم حسب المتوفر ....هذا بالليل ..


اما بالنهار الصباح حبة تبن ...ثم تسرح البل الين العصر ....

والحاله فوق الممتازه ...


والحشو والبعير البرسيم والمجرووش بشكل دائم ...وحالتها فوق الممتاز

وشكرا


بس ابي اعرف هل الرودس ممتاز للبل يعني افضل هو والا التبن اكرمكم الله..سعرها حول بعض

اخوي بدر الرودس ازين من التبن
ملاحظة:
كــلام مجرب

موضوع ممتاز يشكر عليه راعي الموضوع
بالنسبة لي
الابل حول الاربعين وفي الابر تسرح و القشع واجد
كنت اعطيها 4 شعير وسته رودس الشعير غدا والرودس عشاء ومسراحها الصبح وتقيل الضهر والساعه 3 تدك لمعشاها
وزاد حالها بزيادة وعيت تعاشر من الشحم
ونقصنا الشعير 3 والحشايش 4 اوزعه بين الفحل والخلفات والمفرود
ولله الحمد حالها طيب جدا جدا ونصيحة لله الشعير المنقع طيب اخوان واعتقد انه يزيد بعد التنقيع
ويخفف من اكل الابل لدمنها بااذن الله

عندي سؤال يالاخوان بعد اذن صاحب الموضوع
لمن يعلف بالرودس .. هل لاحظتو انه دمار على وبرة المطية ؟