خف الناقة

السلام عليكم ورحمة الله وبركاتة
الاخوان الكرام عندي ناقة فاطر اذا تمشي تسحب خف رجلها والارض قاسية وفيها حصي ،المهم ان الخف
تورم بشكل كبير وخاصة مع الضلف .
اذا حد عندة طب ولا علاااج مجرب يفيدنا
وشكرا للجميع بدون استثناء

حياك الله يامحمد الله يعافيها
اول شي انصحك بالارض الدماث السهله فهذه مرابي البل واراضيها والاراضي القاسيه والحجره ماهي طيبه للبل
الشده الشده
ثاني شي فيه كوايه لمثل هالأمور ومضادات للألتهابات وعليك بالطبيب (الخبره) وسلامتك

احسن شي إنك تخليها في دماث (أرض ترابية ولا فيها قساوة أو خشونة) مثل بطون الأودية .

يعني خل مراحك قريب من وادي أو على طرف الوادي وخل إبلك تفلي في الوادي

ثانياً فيه كريم في الصيدلية لعلاج الحفى اللي يجي في خف الناقة وعلبته غطاها ازرق على ماأعتقد وهو مفيد جداً لمثل حالة ناقتك ولو تعطيها إبرة مضاد حيوي أحسن واستشر الطبيب في ذلك

وفي الأخير إذا كانت الحالة قوية فيه ناس أشوفهم يفصلون جلد ويلبسونه الناقة مثل النعال وأنت بكرامه لكن هذا مثل ماقلت للحالات القوية والمتأزمة

لا هنتوا الجميع

اخوي هاذي حفاه اهملتها لين تورمت لاكن تلقا فوق الركبه عرق متورم اكوه مطرق بلعرض
اذا قدرت تفصل لها حذوه من جلد او لستك كفر تلبسها الخف وتخرمها من فوق تهويه
او ريح نفسك وشبكها

عوض الشيباني لا هنت وجزاك الله خير

الله يعطيكم العاااافيه على المعلومااااااااااااات المفيده