عطوني حل الحوار الغالي تكفون

مساكم _صبحكم_الله بالخير يالربع عندي حوار غالي عمره 7 ايام ديود امه كبار ونرضعه بالرضاعه اليوم جيته العصر لقيت الحوار حالته رديه وقومناه واخذ فتره لين قام ومشى تقريبا كم متر ثم برك ورضاعته للحليب مترديه ويرغي بصوت منخفض ولا ادري عنه هو اخرج ولا لا
تكفون يالربع عطوني الدواء الجيد
اخوكم
(خالد المقاطي)

في الص يدليه البشريه حقن شرجيه اكرمكم الله تعطى للحوار ويبقى موخره في وضعيه عاليه لمده دقايق مع تجريعه فنجال زيت زيتون

هلابك ياخالد في علاج في الصيدليه عباره عن حقن مثل ماذكر اخوي في رده

وانصحك انك تشوف ناقه للحوار اذا تستاهل انك تخسر عليها تكون خفوت ولا متلي تشريها واذا ولدت تركبها الحوار

ما أدري الحوار دايم نايم على جنبه
وراسه ثقيل وحركته بسيطه
ووده يرضع بس مايقدر
ويطلع صوت مثل الزحره؟

فنجال ماء

يمكن فيه الخملة اانتبه

الحوار اذا مايمشي لا تكثر له الحليب

فقط 4 رضعات باليوم وحلب له خلف فقط

لا تكثر وهو مايمشي ثم يتجبن الحليب في بطنه ويذبحه

ولا تشربة الحليب البارد او الماء البارد

ةوحاول تحركونه للمشي ولو تساعدونه

وقت الظهر بالدفوه

والله يبارك لك فيه

الحوار اخوي رضعه من غير امه وجرب كيف يكون وهذ1 كاتوم يجي الحيران دايم

وصار عندي بحوار نفس حالتك وللاسف نفق بس عليك با المنشطات والبنسلين وانشالله يسلم . وحاول بعد كل رضعه تسقيه ماء . وتاكد من الخمله تراها تعقل الحوار وتذبحه .

اخوي الغالي بلا حوارك في المرضاعه لانه اكيد مره من المرات عطوه لبن بارد والبن البارد يعطب بطن الحوار اذا بتسمع نصيحتي جوع الحوار وارضعه من امه وبيرضع ولاتقول مهوب راضع لانه بمشيئة الله بيرضع بعون الله واذا ارضعته لاتحلب في ثمه خله هو يمص بروحه لانه يتسقوي لحيه

الله لايهينكم يالربع ويبيض وجيهكم
الحوار نفق ونطلب من الله العوض
وكلامك ياخوي بخيت صحيح الهنود مرضعينه حليب بارد اكثر من مره
وكل طقه بتعليمه
وبأذن الله يستفيدون اخواننا في المنتدى
من المشاكل اللي تعارض الحيران
وبالذات اذا كان الحوار غالي
واللي قاسمه الله من الرزق بيجي

اخوكم-خالدالمقاطي

فادي راسك يابومحمد

معوض باللي اطيب منه