بكره ماتبي الفحل

السلام عليكم
عندي بكرتين طيبات ومستحقات الضراب من سنتين ولكن مايبن الفحل والفحل ماله رغبة فيهن....ايش الحل ياهل الراي؟

وعليكم السلام ورحمة اسمع اخوي لبس البكرتين جنايب ادخلهن عليه وانشاالله يكتب الله خير

وعليكم السلام

اخي او اخف البكرتين يومين او ثلاث ايام عن الفحل

ورشها بأي عطر عندك وسقها على الفحل وان شاءالله انه يضربها

هذا ولك تحيتي

جرب تحبس الفحل يومين عن امهاته ثم طلع له البكار له في مربطه وعقلهن وهو يطرح الي يبي منهن

الكلام هذا ما ينفع

انتم اهل ابل وتعرفون ان الناقة لازم تكون مجسر

عليك بابر الجسره واربط الفحل عن امهاته لمدت اكثر من يومين

والله يكتب اللي فيه الخيره

بيض الله وجهك ياعبدالعزيز هذا الكلام الصحيح وانا اخوك والعارف لايعرف حتى لو العجم ثنيه وهي مايسرت مايبغيها البعير ولا راح تلقح لو اضربعا عسر وانا نصيحتي بأبره يسره هرون بخمسين ريال من البيطري وخلها اربع ايام وحدها على البعير وشوف النتيجعه بعد اسبوعين واكرر واقول بيض الله وجهك يالعصيمي

بيض الله وجيهكم كلكم ولا هنتوا وراح اجرب الابرة على البكره وادعيلكم

ليا شفت فيهن يسره ودهن للبعير و أعقلهن له لأنهن بكار و ما كد ضربن لازم العقال في أول الأمر للبكار.


وسلامتكم.

قطع عنهن ولاتفك تابعير علي ثنتين فك علي وحدة

مرحبا أخوي الغالي يوسف ..

مثل ما قالوا الأخوان ( عبدالعزيز العصيمي و بخيت البريدي ) لازم تيسر البل علشان تضربها وأبكارك تقول أنت هن ما يبون البعير هذا الكلام يدل على أنهن مايسرن عطهن أبرة يسره وبعد الأبرة بـ 4 أيام حدهن على الفحل وبإذن الله راح يضربهن .
وعسى الله يرزقك منهن البكار الغوالي .

ولكم تقديري .. أبوعبدالرحمن

[FONT="Arial Black"]لا ابر ولا اي شي احبس الفحل عنهن واعقلهن واتوكل على الله واذا كانن البكرتين سمان عليك ان تخفف العلف عنهن شوي

ياخوان لي وجهة نظر وتجربة خاصة بعلمكم فيها

ااولا الفحل اذا عصب وهاج لف البل كلها وطق المجسر والي مهيب مجسر
الا اذا كان متحاقرالبكار اوعايفها حتى لو هن مجاسير جنب عنهن

عندي اربع بكار ذابحتهن الجسرة جذعات وثنوات ويبركن قدامه وهو يجنب عنهن لدرجة اني اذا حديته عليهن وغصبته عطاهن الناب مايبيهن

وكثرة الاقاويل ..فيه من قال لي هذلي بناته وهو عايفهن وان بعض البعارين يعيف بناته

وفيه من قال لي هذلي ولايفه ومعه من هن فاريد ولحين متحاقرهن

فيه تجربتين ضبطت معي

اوما تحبسه كذا يوم وتطلعهن له ولازم تعقلهن له

ولا تضربهن فحل ثاني
والله اعلم كلن ورايه وتجربته

رد: بكره ماتبي الفحل

ابشركم تلاقحن على نفس الفحل...دعواتكم وجزاكم الله خير

رد: بكره ماتبي الفحل

آخوي زي ماقال اخوي طلال لبسهن جنايب
ولك تحياتي

رد: بكره ماتبي الفحل

الله يطعمك منهن اخوي يوسف لكن علمنا بطريقتك لعل الكل يستفيد يا النشمي