حواره ضربها مسمار وبلشت:(

[color=#FF0000][align=center]السلام عليكم ورحمة الله لجميع مرتادين المنتدى

العلم وسلامتكم
عندي حواره عمرها حول الاسبوع ضربها مسمار او شباك شايك الله واعلم
المهم ورم الخف وصار مثل الخراج وصارت تضلع البكره
كلمة الدكتور وقال لي ابر مضاده وانا ياجماعه خفت من هالابر وهي توها ام اسبوع ابي مشورتكم لاهنتو

كلمت واحد من الزملاء مجتهد وقال لي قمنتين ومطهر خارجي للجرح او مره منقعه[/color[/align]]

عليك بابره الاتهابات كل يوم ابره ولمده اسبوع واكوي مكان المسمار وانا اخوك

البنسلين عن طريق الفم انتبه تعطيها ابره في اللحم وجهة نظر خاصة الا لضرورة القصوى وطهر الجرح بماء وملح

ولا مثل ماقال الاخ عامر اكوى الجرح

[align=center]حصلت معي ببكرة مفرودة
وقام أحد الاصحاب
باحظار زيت..الطعام.. وقام بتسخينه لدرجة معتدلة
وصبه على الجرح ومن ثم لبسها جراب
.
.[/align]

خمسه ملي بنسلين بالفم ثلاث ايام
مع تطهير الجرح بالديتول ورشه بالبخاخ ووقايته اما بجراب او شاش

يالتميمي يكفيك راي دكتورنا بالمنتدي عيد المنصوري

ولا يهون راي الاخوان السابقين

حياك الله اخوي

علاج هو شي واحد وماتلخبط اشياء كثيره على البكره .. يجي بنسلين مع مضاد 20/20 في علبه وحده عطها كل يوم 5سم يومياً بالفم ومكان الجرح عقمه بيودين وحط عليه مره مدقوقه مطحونه وحطها على الجرح ولفها بشاش ولبسها شراب تبع الاطفال عشان يكون ضيق عليها لمده ثلاثه ايام او اسبوع بس انتبه لايحجر الدم في رجلها وكل يوم وراء يوم نضف الجرح ورشه باليود وبالبخاخ الازرق الي يجي بعلبه حديد الازرق ولاترش البخاخ الازرق كل يوم لانه ياكل الحم خله يوم وراء يوم لمده اسبوع وعقمه باذن الله تسلم .


بالتوفيق انشاء الله

انا حصل عندي في قعود ثني بيده مسمار وجلس له اكثر من يوم ماكنا نعرف وش فيه يضلع حتى قلبت خفه وتضح لي

المسمار وطلعته منه

لكن اخذت بنسلين وظربته ابره مره واحده ولاعاد خلاني بعدها فقال واحد من الربع طلع البعير وسقه بارض فيها حصى

حتى يدوس عليها ويظهر منها الخراج

لكن انت مادام انه حوار وتقدر تطهر خفه بالماء والملح والديتول وحاول تخرج الصدييد بالظغط على خفها

وانا لست مع الاخوان اللي نصحوا بالكي

وبالتوفيق

اغسله بماء وملح

وعليك بالبودرة اللي تباع عند البيطريين
مطهره ومضاده حطها على الجرح ولفها بخرقه

سبوع وتسبق المقهور

خمسه ملي بنسلين بالفم ثلاث ايام
مع تطهير الجرح بالديتول ورشه بالبخاخ ووقايته اما بجراب او شاش

انا مع اخوي مناحي العتيبي ولكن من غير الكوي .

طريقة علاج اخوي عيد المنصوري " افضل بإذن الله تعالى " .

وتقبلوا تحياتي

أخوكم

عبدالعزيز العبدالله