الراي ياجماعه

السلام عليكم ورحمة الله وبركاته

يالربع انا عندي خفوت ابي اضيرها على حوار وقالي احد الاخوان اخذ ابرة ضيار وابي اسالكم وش اسم الابره وكيف الطريقه مع الناقه والحوار افيدونا تكفون بالتفصيل مشكورين

جزاكم الله خير

مامرت علي يالغالي واذا مش مجربه اتركها منك وعليك بالضيار الشعبي

اول مره اسمع بابرة الضيار
وان طعت شوري فك البعير عليها وخل الضيار عنك الا اذا عندك حوار ميته امه

ابرة الضيار ابرة بنج يعطونها الناقه تخدرها بعضهن يروم وبعضهن مايروم مثل الضيار حظ نصيب

ابرة الضيار ابرة بنج يعطونها الناقه تخدرها بعضهن يروم وبعضهن مايروم مثل الضيار حظ نصيب

كلام مانع صحيح

الراي ياجماعه

خذعلم مانع

أرحب يا محمد

تبي الشور والنصيحة
إن كان الحوار اللي ودك تضير عليه يستاهل وبيجيب دراهم
فعليك بالضيار وخل عنك الأبرة

وإن كان الحوار عادي
فهد البعير عليها وخله تلقح وأكسب الوقت وأنا أخوك

اذا نويت على الابرة

احذر ان تظرب الابرة والناقة واقفة عقلها واضربها ابرة لان بعض الابل اذا ظربتها ابرة ديمت على جنبها ويمكن تنكسر رقبتها لكن اذا كانت باركة فالامر سهل

مع اني افضل الضيار الشعبي