البل يا اهل البل فزعه

بسم الله الرحمن الرحيم
اخواني الكرام اسال الله العظيم ان يوفقكم في كل خير على الجهود التي تسعون فيه من خدمة اهل الابل ولكم مني جيل الشكر
عندي مشكله يااخواني واتمنه ان يكون عندكم الجواب
عندي ناقه ميت ولده في بطنه وقطته لاكن بطنه منتفخ تقل لقحه واكله وشربه ممتاز بس المشكله في انتفاخ البطن ولي يشوفه يقول هذي واصل من كبر بطنه

يمكن الحيران ثنين او يمكن عاد فيها اعضام الحوار

اخوي راشد اليوم كنت عنده وشفت الدمنه الله يعزك ويرفع شانك تقل فيه مثل شوك وناشف مره
(( اذا كان مرض شوكه وش علاجه ))

اعراض الشوكه ضعف شديد في الشهيه
وانت تقول اكلها ممتاز
الناقه مافيها الا العافيه نفاخ من برسيم ولا خبز او غيره وتصير كثير بالبل
عليك بالمسراح وخل الناقه تمشي اقلها سبعه كيلو
واذا فيه اضافه مايقصرون الاخوان

اخوي محمد اي نعم اكله ممتاز والحمدالله
بس هل اتفاخ مضايقه حهفي الممشه

عندي ناقه ميت ولده في بطنه وقطته لاكن بطنه منتفخ تقل لقحه

ادخل على رحمها وفتشة

يمكن فيه ورم وهو حشر الحوار وقطته

او وسخ او ماسلت الناقة

التفتيش يبين لك النفاخ من الرحم او البطن

ادخل عليها واقطع الشك باليقين


وانتبة للبشمة البشمة تنفخ البطن ويحشر الرحم ويزت الحوار مثل البرق

افطن لعلامات البشمة

ياخوي نواف عطنه العلامات البشمه وهل له علاج الله يرزقك الجنه ياررب

هل الحوار قطته كامل ؟
هل سلاها طاح كله؟
وبعض الخلفات تولد وبطنها يبقى كبير لمده عشر ايام ويخف تدريجا
ومن ناحيه دمنها يومين عطها برسيم طري اخضر توه محشوش
وسلامتك ومن يقرأ

ياخوي نواف عطنه العلامات البشمه وهل له علاج الله يرزقك الجنه ياررب

علامات البشمة

1- انتفاخ البطن

2- الامتناع عن الاكل

3- تبرك الناقة قرب حوض الماء وترغب بشرب الماء لارتفاع الحموضة

4- الناقة ماتدمن

5- واذا اشتدت البشمة يمكن تبدي الناقة واذا كانت على ضراب ينزل دم او ماء البعير من حياها

6- اذا هزيت بطن الناقة تسمع صوت قرقره وهذا اكثر وضوح بالحيران والمفاريد

7 - تنعزل الناقة عن الابل وتطرف

8- يظهر على وجة الناقة التعب

9- احيانا الناقه تتغ في حالات الغثة البسيطة

10 - واذا اشتدت البشمة الناقة تصعد اذا هي لقحة

11- ارتفاع بسيط بدرجة الحرارة




ومن واقع تجربة انصح بالمنع عن الماء لان الماء يزيد الحموضة ويدفعها من المعده الى الكبد ثم الحالة تصير صعبة


اتمنى اني افدتك ويمكن الاخوان عندهم اضافات ويفيدونك اكثر

لاياخوي نواف ماهي العراض الي تقوله البشمه لكم مني جزيل شكر