عين القحه دمع وبعده بياض!

السلام عليكم ورحمة الله وبركاته
عندي لقحه انتاجها بعد اسبوعين بالكثير
دمعة عينها وبعد يومين العين بيضااء!
ولاتشوف منها ابد ابد انعمت
مع العلم ماحصل اي كدمه لناقه
اذا فيه مرهم او علاج معين تكفون اسم العلاج

والله يا محمد صار المرض هاذا عند واحد من الجماعه وراح البيطري وشرحله الموضوع وعطاه مرهم وسلمت عليه مالك الا البيطري

نفس هالسالفة صارت معنا في فحل وانعمى وصارت عينه بيضا
وجانا طبيب سوداني قال فيه ضفاره وقصها وملا عينه سكر ناعم لين وقف الدم وحط بنسلين بودر في عينه
وخمس ايام يطقة ابر بنسلين ضد الاتهابات وشفاه الله

هذ1 ياخي التهاب بقرنيه العين وصار عندي وعلاجه بسيط مرهم تاخذه من الصيدليه وتغسل العين بملح وانشالله يروح بس داوم على العلاج حتى يتسلاشى البياض

علاجه ماء وملح يا محمد رشبها عين الناقة ثلاث ايام على الاقل

سلام عليكم وارحمت الله وبركاته ...... محمد عليك بلبيطري هذي عين حساسه كل شي ايثر عليها ونا خوك انا قبل ثلاث شهور سار عندي نفس الشي في عين واحده من عيون البكره اول بدايه سارت العين حمر وبعدها تحولت بيظاء كامله ولاعاد شافت منها وبعدها جبت الدكتور وعطاها ابره مظاد كل خمس ايام ابره المدة عشرين يوم + مرهم = اتغسل العين وبعدها تعصره يوم بعد يوم _ لنه حار على عينها _ حتى بين البياض يصقر يوم بعد يوم وذلحين البكره ارجعت طبيعيه اتشوف منها ........

الاخ : محمد
روح للبيطري ويعطيك عصار للعين مضاد حيوي واذا العين علي قولتك مافية كدمة ودم لاتغسلها بماي وملح اغسلها بماي فاتر وسكر صبح ومساء واستمر لمدة 5 ايام
هذه الحالة صارت عندي لرحول وشفاها الشافي سبحانة وتعالي علي كل شي

اخ محمد الوهبي التميمي الرجاء الاتصال0506807101

هذي الضفارة ياغالي وان خليتها تنفقع عين المطية لا تهملها

وعلاجها ادخل في خشم المطيه مطرق ( الخيزرانة ) وتحسس وتبي تحصل لك عظم اكسره ونشقها بعده سعوط وباذن الله ترجع عينها طبيعيه