الناقه باركه لحد الان وحوراها جنبها

السلام عليكم ورحمة الله وبركاته

العلم سلامتكم يالغاليين

عندي ناقه لها اسبوعين من يوم ولدت جابت لها قعوود طيب من فحل منتج ويهمني صحته

والناقه لها خمسة ايام لاقامت تعجز تبرك واذا بركت ماتقووم لها الان يومين باركه

وولدها جاه ماجاء امه لها يومين بارك اخذيت للناقه والحوار علاج وعلى حالهم لحد الان

علما ً بأن الناقه نفسها طيبه وتاكل والحوار مش ولابد بين هذي وهاذي بعض الاحيان طيب وبعض الاحيان اتحراه يفطس

والناقه كن فيها انتفاخ اسفل ظهرها تحت السنام وتبرك على جنب .. اللي يعرف لها طب لايقصر الله يبارك لكم في حلالكم

وعليكم السلام ورحمة الله وبركاته

الله يشفي ناقتك ياناصر
ماعرفت علة ناقتك ويفيدونك الاخوان ان شاء الله
لكن ذرها عن البرد لايجتمع عليها مرض وبرد

الظاهر ان ناقتك فيها وهان .. والربع يفيدونك في علاجها .. والله يوفق الجميع .

ماظني ان فيها وهان الا اذا كنت رابطها ومطول وانت رابطها او عاقلها بأسيام
الناقه لا جت تقوم تطيح على جمبها أول ولا تقوم على طول ونفس الشي لا جت تبرك تطيح على جمبها ولا لا ؟
ان كانها كذا فهي فيها عصب لا سمح الله لأن ماله علاج الا تقوي الأعصاب بس

ماظني ان فيها وهان الا اذا كنت رابطها ومطول وانت رابطها او عاقلها بأسيام
الناقه لا جت تقوم تطيح على جمبها أول ولا تقوم على طول ونفس الشي لا جت تبرك تطيح على جمبها ولا لا ؟
ان كانها كذا فهي فيها عصب لا سمح الله لأن ماله علاج الا تقوي الأعصاب بس

ايبله تطيح اذا قامت ولاجت تبرك تطيح على جنبها

اما الربط لاوالله ماربطتها


لاهنت يالغالي ولاهانو الاخوان اللي ردو

اذا كانت الحالة هذي مرت عليها قبل تلد غرها زيت زيتون وفي خشمها.
عند واحد من الشباب نفس الحالة في لقحة ثلاث ايام وقامت..

ابرة dexaphenylarthrite لمدة ثلاث ايام بجرعه 25

تصاب بعض البل بعد الولاد او اثناءها بالوهان ولاتستطيع ان تبرك طبيعي مثل لو تقول فيها حلل عند البركة
واذا ولدت لاتستطيغ ان تثور الناقة
هذا بسبب نقص فيتامينات وعناصر خاصة فالبل الفطر كبيرة السن

اتبع الآتي وما تشوف شر ناقتك
فيه جلكوز عند البيطري لونه زهري علبة لتر
وفيتامين قوي مقاس العلبةنفسه

تعطيها كاستين شاهي من النوعين الصبح والمساء
وامرس لها تمر فالموية وعطها اياه ماشئت

وابر ة فيتمين (بي) ويومين وتقوم ناقتك باذن الله

.

لا حول ولا قوة الا بالله
جبلك عزيمة واسقها ورش ولدها وداوم عليها حالتها غريبة والاغرب ان الحالة انتقلت الى الحوار داوم على العزيمة والشافي الله وترى العين حق وسلامتك

الله يبارك فيكم جميع

ماقصرتو


عبد الرحمن عزالله ماكذبت هي مر عليها شيبان والظاهر انها ماهيب بخير من عقبهم

لان مشكلة الحوار مثل مشكلة امه بالضبط يعجزون عن الوقوف


لاهنتو جميع ..

عسى الله ان يبارك لك فى حلالك ياناصر
ويكفينا شر هؤلاء الاشخاص فلهم مواقف سيئه مع واحده من احلى ابلي
حسبي الله عليهم