هل هذا صحيح ؟

بسم الله الرحمن الرحيم

قال لي أحد الزملاء قبل أمس أن الحوار إذا خرج من رحم أمه ، يجب عليك ربط سره عشان ما يدخل فيه وسخ أو حشرة من الأرض تسبب له مرض قد يميته .
هل هذا صحيح ؟ أو لا ؟
لأن عندي لقحه بتلد إنشاء الله قريب والحرص طيب .

أرحب ياسلمان

ما أذكر إني ربطت في يوم من الأيام
ولكن بعض الأخوان أشوفهم يربطون سر الحوار من يوم ينزل

وسلامتك

اول مرره اسمع الصراحه

وان كان ولا بد

حط مطهر عليه ضد اللي تقول

خوفك تقطعه ثم يسل دمه وينزف ويموت

لم اربط سرة واول مرة اسمع هاذا الكلام

كلام ليس فيه من الصحه من شيى

طول عمرنا نولد الناقه وما سوينا هالحركه

ولله الحمد صحه الحيران طيبه

بعض الحيران اذا نزل ينزف دمه من سره ولا يوقف فنربط السر لوقف النزف فقط وغيره لا

الحرص الزايد مايجيب خير يالاخوان

واخير من ربطه

تسقيه ماء + 2 ملي بنسلين

والحامي الله

الربط غير صحيح , وهذي حكمة الله سبحانه وتعالى

السلام عليكم ورحمة الله وبركاته

أول مره أسمع بربط سر ألأ أذا فيه مشكله أما طبيعي لاتقرب صوبه ولاتتعرضه يخوك هذه فطره من رب العالمين والله أعلم

اخوي ربط السر مهب علشان كذا ربط السرعلشان سر الحوار مايكون طويل ياطا عليه احد ولا يقطعه ثم يصيبه بعج
انت اربط سره بسلك صغير من فوق ولا تقرب مره من بطنه يعني مقدار 2 صانتي ثم قصه من تحت السلك

السلام عليكم ورحمة الله وبركاته

اخوي الشايب الله يطول في عمره من خلق وهو مع الابل لي يومك هذا

ودايما يحرص على ربط سر الحوار وهذا من الاحتياط ولا ادري عن سر هذا الشي

اول مرة اسمع عن الموضوع.

ياسلمان لاتربط سر الحوار ولا تجيه يحفظه الله
هذي طرق مستحدثه ولالها داعي نهائيا
وشكرا