وش الحل يارجال لاهنتوا

السلام عليكم ورحمة الله وبركاته

اخواني الافاضل انا عندي بكره تاكل الغزل (وبر الابل) وعطيتها ملح ابيض وازرق ولا فيه فايده
وش الحل تكفون يالنشاما

شكرا لكم

25 قاري ولا فيه احد عطاني حل وش السالفه يالربع ؟؟؟؟؟؟؟؟؟؟؟؟؟؟؟؟!!!!!!!!!!!!

استخدم مجموعة املاح سائل و مجموعة فيتامينات مع ماء الشرب ....

واذا كان فيها دود فيجب أن تعطيها علاج للدود مع تكرار العلاج بعد 14 ايام ....

والله الموفق ...

ابشر طال عمرك بعدة حلول واختار منها :

1- ترش البل بالجره
او
2- تشوف لك نبات الشري وهو مر جدا وهي نبته بريه وتحطها في ماي وترش البل فيها وترشها اهي بعد
او
3- فيه ناس يحطون الفلفل الناعم مع جره وزيت ويرشون فيه وبرة البل بس لا يحوش العين

هذي هي الحلول

وانت اختار واحد منها

ابو مطيليق انا اقووول لك البكره ذي مالها الا العزل . يعني اعزل واستخدم العلاجات اللي قالوها الربع ولا تراها بتشوه ابلك . تقبل تحيااااااااات اخوك .

السلام عليكم ورحمة الله وبركاته
الأخ الكريم هذه المشكلة يعاني منها كثير من أهل الابل خلال الثلاث سنوات الماضية
أنا لي ثلاث سنوات أعاني منها جربت عدة محاولات ارشدوني لها أناس خبرة ولا نفع
عطيتها ملح طعام مع الماء ، عطيتها ملح احمر ، عطيتها حبوب دود ، عطيتها أملاح معدنية
وفي الأخير عزلتها وهذه المشكلة ليست جوع لإن حوضها مليان علف ومع ذلك تاكل الغزل
واتوقع أن البداية بسبب نقص عناصر معينة وبعدها تتحول إلى عادة
نصيحتي لك اعزلها لإنها ستطبع أخواتها لإن مشكلة الغزل يبقى في المعدة لا يخرج
ويؤثر على بدنة المطية مستقبلا
وللعلم أنها إذا تعودت على هذا الطبع لفترة طويلة لا تنساه واذا عزلتها تبدأ تأكل نفسها
اسأل مجرب