الفزعة يااهل الابل بقيمه ولابشيمة

السلام عليكم يالحوات الغانمة انا عندي بكرة لقية قدلها يومين ماهيب بزينة مغير تفشح برجيلها وتوزر وفحصتها بجهاز الحرارة وطلعت حرارتها حول 40 والبكرة طيبة وغالية قدر وقيمة

السلام عليكم اخوي

الحق عليها اخوي ببندول اكسترا .. اربع لخمس حبات بندول .. كل ثمان ساعات ....

ولو ما خاب ظني اتذكر فيه ابره للحراره .. لحق عليها ابها ..

ونصيحه اخوي .. ان شاء الله من تشفى .. سوي لها تحليل دم .. وشو مناعتها هل هيه ناقصه ولا لا ..


" لو تقدر تحصل لها بروفين قوه 600 عطها ثلاث حبات منه .. ولا تكثر ... وعلى فكره البروفين سمعت انه له تأثير سلبي لو كانت بكره ركض ..." ... هذا والله اعلم ..

اكوها على الجرح

الله لايهينكم علي المرور والمعلومات يا اخي مبارك وابن سنيد لكن البكره ادمن ومرة طيبة ومرة انقد عليها خاطرها مهوب زين

البكره اول ماتعبت كانت تتسدح وتبرك على جنب وتغير على الجنب الثاني؟ وتحس انها مشيها غير متوازن ؟

احتمال البكره منغثه !!! لاتكويها عن الجرح وتشوه بكرتك قبل ماتتأكد ! لأن اعراض المطيه المنغثه بسبب الاكل نفس اعراض الجرح

خذ لك علبة نساكافه صغيره وعلبة ببسي كبيرة وحط النسكافه مع الببسي وغرها البكره وشوف البكره اليوم الثاني طلقة عقال على قولهم اذا هي ملبوووده واذا مانفعتها ماراح تضرها لاتخاف

ان كان عبس البكرة
قليل ومتكرر

فهي عندها التهاب في سقفها والمسالك

العلاج التقليدي اجمع سواد ورمث ومليح وهذه الحمضيات وغيها وحطها للبكرة
وممكن يكون الجمل مضربها
العلاج الثاني اطبخ كيلوين شعير وعطها الموية
وان اردت تعطيها ماء البقدونس المغلي فهو زين
والبنسلين لا تنساه

وماتشوف شر

الربع ماقصروا في كل ماقالوا

لكن ان كان بكرتك مثل ماقلت تفاشق وتوزر باستمرار تاكد من براكها ان كانت تبرك على جنب وتدخل وركها وتمايل فهذا جرح واكوها وماراح يظرها الكي

اهم شي انه مايكون جرح ويطول معها

فيه طفيليات في الدم ومن اعراضها انها ماتشتهي الاكل وتدمع عيونها وهذا علاجه ابره عند البيطري

وماتشوف شر ان شاءالله هي وراعيها