حليب البودر والحوار

السلام عليكم ورحمة الله وبركاته

يالربع عندي حوار عمره شهرين وماتت امه وشريتله حليب بودر من البيطره
اعطيه اربع مرات في اليوم واعطيه شوي وافي
هل حليب لبودر يغنيه عن حليب امه ولا لازم نضير
مع العلم ان الحوار غالي

ننتضر ردودكم

أكيد موب مغنيه عن حليب امه الله يخلف عليك ان شاء الله
دور لك من قصراك خلفه واخذ من حليبها وعطه منها
انا عندي حواره امها مافيه حليب واعطيها حليب من خلفة ثانيه عندي

الله يعوض عليك دور خلفه وعطه من حليبها

مرحبا يابو محمد وحليب البودرة تعطيه وكانك تاخذ منه شحم يعني مايسر ولاذكر بخير اما الحوار كانه غالي ويستاهل التعب و المخاسير دور له ضير وكانه ردي بعه وارتاح من لاثام و الغثاء والعناء .

لاتعطية حليب البودر أتعب علي حليب الخلفة أو دورلك علي خلفة وضيرها أن كان الحوار طيب أما أذا عادي القصاب أفيدلك

شف دام الحوار غالي مهوب خساره فيه ناقه تشتريها بشرط تكون توها والد

حليب البودر ماينفعه مثل الحليب الطبيعي خاصه انه غالي وتبيه يفز اكثر

اخذله ناقه حمراء يكون حليبها واجد دورلك مصغر توها والد هاليومين ولا ناقه بتلد وجر حوارها ودخله محله

الله لايهينكم وبيض الله وجيهكم على التفاعل
ويبارك لكم في حلالكم