مشكلة فحل

السلام عليكم ورحمه الله وبركاته
اريد الاستفسار من اهل الخبره لدي فحل سنه ثني البل اللي اضربها فيه تاخذ مده من 8 ايام الي 15 يوم وهي معشر وبعدها تكسر
الا ناقه لها الان شهر ماسكه عشارها
هل المشكله من البعير ؟ وهل له علاج شعبي ؟

كم عدد البل الي اضربها؟
لو في لبعير شي ماعشرت الناقه الي تقول وطيب لو منعته كم يوم ثم اضرب به ناقه وحده وشف

اخي العزيز المثل يقولك الثني وني والفحل ما فيه حاجة ان شاء الله دام ان الابل تعاشرت منه لكن ممكن يكون فيها صيد انتظر على الفحل
والله يبارك لك فيه

ياخ بدر الفحل مافيه شي ان شاءالله مادام انه لقح اماته حتى وان تكاسرت

المشكله من البل حاول انك تنظفها من الصيد وتعالجها بمنظفات من البيطري

الفحل الله يبارك لك فيه . وأن شاء الله مافيه شي . اله يبارك لك فيه

بيض الله وجيهكم وجزاكم الله خير على ردودكم الجميله
لكن يالربع انا مظرب فوق عشر من البل بهالقعود ولا اظرب الا مجسر ومفتش عنها الصيد

انتظر على الفحل الله يجزاك خير
وان كنت انا مع احتمال ان الفحل جايته عين من حسود شف من واخذ من اثره ورشه على الفحل

يمكن من الاعلاف التبن اعزكم الله او المكعب تره يضيع العشار اسئل مجرب

السلام عليكم ياخوان اولاد عمي عندهم بعير مثل ابعير العبدلي تعاشر البل وتكاسر وثبت انه من البعير بعد ماجابو دكتور وفحصه وعطاه ابر ولكن دون فايده

اول ما تلقح الناقه عطها ابره تثبيت على طول

الفحل الله يبارك لك فيه . وأن شاء الله مافيه شي . اله يبارك لك فيه

جرب ابرة التثبيت على كل 15 يوم حتى تعدي الثلاث شهور وانشالله الفحل مافيه الى الخير