ارتفاع درجة حرارة الحوار

السلام عليكم ورحمة الله ..

يالربع عندي حوار ومرتفعه درجة حرارته وعمره شهرين وكل ماعطيته ابرة حراره ترجعله مره ثانيه وصار له ثلاثة ايام وحرارته مابين 39.4 و 39.8

والحوار ما عليه اي آثار والاحظ ان عنده اشوية امساك .. ياليت اهل الخبره يفيدونا وش علة الحوار

مرحبا ياصالح الحوار يمكن انه معكوم وهو اللي مسبب له الحرارة معه مغص عطه زيت زيتون صبح ومساء لمدة ثلاث ايام مقدار 10 ملم وثاني شيء روح للصيدليه البشريه وخذ معك ضغاط الاطفال حق الامساك الشرجيه وعطها الحوار وان شاءالله بتنفعه ولاتضره

تحياتي

الحوار معه عكام 3سم تطعيم تسمم معوي في التريبه مع تجريعه زيت زيتون بيالتين

وعليكم السلام ورحمة الله وبركاته

1ـ خذ عدة قراءات للحرارة وإذا كانت الحرارة مرتفعة يعطى خافض للحرارة عن اللزوم مع بنسلين لمدة 5 أيام .

2ـ للإمساك شربه زيت خروع أو أعزك الله تحط تحاميل للأطفال تجيبها من الصيدلية البشرية للإمساك .

والله اعلم

مشكورين يالربع على تفاعلكم

عطينا الحوار بيالتين زيت زيتون وتحاميل من الصيدليه وحالته تحسنت اشوي

والله يكتب لنا الي فيه الخير

عطه ملعقه كبيره زيت الزيتون وايد مفيد للامساك