حليب البل خف جدا جدا افيدونا جزاك الله خير

السلام عليكم ورحمة الله وبركاته
اخواني عندي ابع خلفات خاف حليبهن من عقب ما ولدن ولهن شهر ونصف وحليبهن خاف واكلهن زين وسمان ويجترن واكلهن ( جت وشعير وشوار ومركز ولقم طحين وخبز وتبن في وجه العدو ) وحليبهن العام الاول مافيه كلام وفيهن خلفة فيها لبن واجد وذا الزمان والله انا نرضع حوارها بمرضاعة مع العلم جاء دكتور وقال البل فيها نقص كالسيوم وعطينها ابر كاليسوم 100 سنتي كل يوم لمدة 5 ايام ولا فيه فائدة ،،،،، والحين الله لا يهينكم اللي علاج يفيدنا جزاه الله خير .

نقع البرسيم عندهن وابشر بالخير

على ماقال اخوي فيصل
نقع البرسم ولا تعطيها شي غير البرسيم
ولا يمكن ان الابل القاح

يمكنها معاشير

وخل عندها البرسيم على طول

هل الخلفات مكسبهن إذا الخلفات مكسبه فهذا طبيعي ؟

علفها برسيم فقط وخلها قار عند خشومها

15 يوم بتلاحظ فرق قوي .

ولاتنسي تنقع لها تمر قليل في حوض الماء والخبز اقطعه نهائيا نصيحه .

أن كان البل ماهيب معاشير علفها برسيم ومكعب (وافي)خلال ثلاثة أيام تشوف الفرق

يالربع السلام عليكم البرسيم عند خشومها والابل ماهن معاشير ولا ادري وش الحل

يا عبد الله

الله العالم ان الارض اللي انت فيها وخيمة واذا كان كذلك ما ينفع فيها العلف لو تعطيها جميع الانواع لكن حط البل لها في مراح مساس لو ما فيه شي وبتشوف الفرق...باذن الله

كثر الحلب ثلاث مرات فاليوم يزيد الحليب وقل الحلب يقل كميته

السلام عليكم البل فيها دوود وهذا الي مقلل الحليب وسلامتك

الشبا ب ما قصرو ما خلولي شي لا كن انا ابسا لك هل المرا ح العا م هو نفس المرا ح ولا غيرته اذ غيرت امرا حك هذ دليل علي ان الموقع الي انت فيه ما هو مري واذ اللبل تسرح وقل حليبها لا تمرح فيها الا رض ما هي مريه اسل اشيبا ن عن الا رض المريه حتي الونك تعلف فيها البل بدر وتستفيد انشا الله