لاهل الخبرة ماهو هذا المرض

بســـــــــــــــــــــم الله الرحمن الرحيم
السلام عليكم ورحمة الله وبركاته
هناك مرض يصيب الابل وهو عبارة عن تورم راس المطية بشكل مخيف وبعد ثلاث الى خمس ايام تبداء بالتشافي
السؤال ماهو هذا المرض؟ وهل يصيب الحيران الصغيرة ؟

هذا المرض يسمى (( البارده ))
ويصيب من جذعه وتحت فقط
وتركه خير من علاجه / جربت بنفسي اللي طقيتها ابر تاخر شفاها واللي بس بخاخ ازرق شفيت بسرعه
تقبل تحياتي

على ما قال اخوي حاتم هذا يسمى بل ( بارده )
وعاجه هو ان تبعد عنه جميع الروائح
مثل الصابون و جميع العطورات
والعلاج اهو (المره )
تحط المره مع الماء وتغسل خشم ابكره ومحل البارده
وبعدين تطش الطشاش الازرق

[ناصر اليامي]

هذا المرض يسمى (( البارده ))
ويصيب من جذعه وتحت فقط
وتركه خير من علاجه / جربت بنفسي اللي طقيتها ابر تاخر شفاها واللي بس بخاخ ازرق شفيت بسرعه
تقبل تحياتي

الاخ حاتم قلت اللي في خاطري
وتركه احسن من التطباب فيه

تركه وعزل البكره هو العلاج لانه معدي

قبل عشره ايام اصاب حقه ومفرودتين عندي وتشافن ولله الحمد بدون تدخل

لكن السؤاال بعد اذن صاحب الموضوع وش مسببات المرض !!

اشكر الجميع كل باسمة وفعلا بدون تطبب تشفى البل منة لكن هل يصيب الحيران وهل هو خطير على الحوار

اللي شفته انه يصيب الحيران وغالبا يجي خفيف ربما بسبب انها عندها مناعه عن طريق حليب امها
وسمعت انه احيانا مايخلي الحوار يرضع ويشكل خطوره على حياته

هناك نوعيين من هذا المرض

1- البارده مثل ماقالو الاخوان تنفخ روس الحشو ويجي في شواربها جروح قويه

وتلتهب الغدد اللي في لغاصم الحاشي مثل اللوز عند البشر وهذا والعلم عند الله مسبباته

التهاباة من الجو واختلاف المناخ

وعلاج البارده هو المتعارف عليه البنسلين والمضاد الحيوي وخاصة الشامل

اما النوع الثاني

2- اللي اعتقد ان اخونا يشتكي منه وهو انتفاخ روس الابل دقها وجلها فهاذا يسمى القطبه بتشديد حرف الطاء

واكبر مسبباته مرعى الابل اذا صار فيه نبتات شوكيه مثل الشبرم والطلح والسدر وغيره

علاجه ابعدها من الشوك ومن الروائح العطريه

رد: لاهل الخبرة ماهو هذا المرض

هناك نوعيين من هذا المرض

1- البارده مثل ماقالو الاخوان تنفخ روس الحشو ويجي في شواربها جروح قويه

وتلتهب الغدد اللي في لغاصم الحاشي مثل اللوز عند البشر وهذا والعلم عند الله مسبباته

التهاباة من الجو واختلاف المناخ

وعلاج البارده هو المتعارف عليه البنسلين والمضاد الحيوي وخاصة الشامل

اما النوع الثاني

2- اللي اعتقد ان اخونا يشتكي منه وهو انتفاخ روس الابل دقها وجلها فهاذا يسمى القطبه بتشديد حرف الطاء

واكبر مسبباته مرعى الابل اذا صار فيه نبتات شوكيه مثل الشبرم والطلح والسدر وغيره

علاجه ابعدها من الشوك ومن الروائح العطريه

الله يعطيك العافيه يابو سعود ... ياليت تزودنا بصور ولك الشكر