فحل سديس لضرب ما يجرد

السلام عليكم ورحمة الله وبركاته


اما بعد مثل العنوان فيه بعير لواحد من الجماعه سنه سديس والبعير قد القح جذع وثني ورباع

وهزمان لضرب مايجرد والبعير صاحي وسمين وهاج وينوخ الابل ويبي الضراب لاكن مايجرد

والي عنده حل له يفيدنا الله يفيده ومشكووورين وطول الله اعماركم

الاخ الفاضل : راشد

البعير فيه (( لمث )) في ذكره وعلاجه بعد الله تعالي

أتبع الخطوات الي بقولك عليها .

روح للبيطري وأخذ منه فندبن هندي وتضرب البعير 20 سم 5 أيام وتاخذ منه بنسلين الماني 35 سم مدة 5 ايام .

واول من تضرب البعير بعد نص ساعة تراه راح يوزر بكثره لين ينظف خيف البعير

الاخ الفاضل : راشد

البعير فيه (( لمث )) في ذكره وعلاجه بعد الله تعالي

أتبع الخطوات الي بقولك عليها .

روح للبيطري وأخذ منه فندبن هندي وتضرب البعير 20 سم 5 أيام وتاخذ منه بنسلين الماني 35 سم مدة 5 ايام .

واول من تضرب البعير بعد نص ساعة تراه راح يوزر بكثره لين ينظف خيف البعير

مرحبابك اخوي وهلابك وماقصرت وبيض الله وجهك

اخوي البث الي يضرب مصعد او ناقه توها مقطع عنها واذا اضرب يجرد على الناقه لاكن ماتلقح

والبعير الي عند خويه يضرب لاكن ما يجرت وهاذي المشكله وماقصرت اخوي ومشكووور

اخوي ..فيه شكله مواد ناقصه فيه .. نحنا بعيرنا يضرب ويمكن يلقح بعد رابع ضراب .. واتوقع انه فيه ضعف في المني " الله يعزك " ...

واتذكر انه عندنا في البيت يقولون البعير ياللي يضرب ولا يلقح ..تغسل " الله يعزك" ذكره بسدر .. وتسبحه بماي وسدر ..


وتراه السدر طيب ومطهر ..

اما بالنسبه للجرد.... عندنا كان بعير .. والصلاه على الرسول ..ما شي يرده من الناقه ..شله جارنا .. والله يصلحه .. صابه بعين .. ولين الحين ما يجرد .. للاسف

ونفس الجار .. شل علينا بعير غيره .. ورده لنا مريض .. وبعد يوم واحد بس ..مات علينا البعير بسبب النخيه " الزكام " .. ولا زلنا نعاني من هالجار الله يصلحه ويهديه

رد: فحل سديس لضرب ما يجرد

عنندي بعير منتج من عيال شاهين الكليلي وصار له نفس مشكلتك وتقريبا من شهر ولين الحين ندور له العلاج....أتوقع المشكله في ظهره...

رد: فحل سديس لضرب ما يجرد

لاتبخلون علينا بالعلاج لعوق البعير والله لايهينكم.

رد: فحل سديس لضرب ما يجرد

شوف اخوي راشد اذا عسوب البعير يبي يجرد ولايقدر يمكن يكون في خيفه من داخل فتحه يروح فيها عسوب البعيرولايقدر يجرد

شوفلك راعي بخص يشوف البعير وعلاجه عمليه بسيطه عند البيطري ومايشوف شر

رد: فحل سديس لضرب ما يجرد

ماتقصر يا بوعسكوور

[محمد الراجحي]

رد: فحل سديس لضرب ما يجرد

اخوي راشد مالك الا ماءوسدر مقري فيه والله وعلم البعير مصاب بالعين

ولد عمي شرا بعير شرط الضراب وكان يضرب عند راعيه ويوم جانا يطرح الناقه ولايبرك مغير واقف فوق الناقه قالنا رجال عطوه ابر بشريه وحيوانية عشان تهيجه وعطينه ابر بشريه ولا فاد نصحنا احد الاخوان وقال روحو لشيخ وخذو ماء وسدر مقري فيه وجربو وجربنا , شربنا البعير ماء وسدر مقري فيه وبعد دقايق اعزكم الله البعير قام يذرق دم واذا شاف الماء ماشرب والكلام في اخر الصيف بداية الشتاء وبعدها البعير يطرح الناقه ويبرك ويطلع ربع ذكره ولا طول البعير عندنا مات

رد: فحل سديس لضرب ما يجرد

تسلم يا محمد الراجحي