تكفون ياهل الخبره

السلام عليكم
عندي ناقه ولدت ولكن ماطاح سلاها ولها يومين ورحت للبيطري وعطاني ابرة تنظيف 10 سم وترمسين 30 سم ولكن المشكله في الامر الى الان لم يطيح السلا
بعد عطيتها رشاد وتمر والحبه السوداء وخلطها وعطيتها ولكن بدون فايده
تكفون الى عنده خبره لايبخل علينا

وعليكم السلام ورحمة الله وبركاته
يأبن معيض
امرس لها نص كيس تمر مع رشاد واخلطه مع ماء
وسخنه على النار لين ينهرس واتركه لين يبرد وأن
حصل ورق سدر مجفف او باميا نص كيلو وتشربه الخلفه
وماترى شر بأذن الله الواحد الاحد بس عجل عليها
ولاتنسى البنسلين 25 سم عضل لمدة ثلاثة ايام
لمكافحة التسمم وان كان طالع من حياها الحبل اربطه بثقل بسيط
جدا على شان مايرجع في رحمها ويساعد على التخلص منه ونزوله

السلام عليكم
اخوي محمد العلاج بسيط لا ابره ولاشي
الي عرفناه من الشيبان وجربناه
لقمتين طحين او تمر حط داخل القمه رماد وعطها الناقه
ونشاء الله متشوف شر
اما كلم اخوي بندر اربط اخر السلا بثقل يمكن يطيح بطن الناقه
وتقبلو مروري

السلام عليكم
اخوي محمد العلاج بسيط لا ابره ولاشي
الي عرفناه من الشيبان وجربناه
لقمتين طحين او تمر حط داخل القمه رماد وعطها الناقه
ونشاء الله متشوف شر
اما كلم اخوي بندر اربط اخر السلا بثقل يمكن يطيح بطن الناقه
وتقبلو مروري

نفس الكلام وان شاء الله ما تشوف شر

يا بو معيض نعم لقمتين تمر مع طحين , ولا تمر مع رماد بوجه العدو . وبأذن الله ينزل بسرعه .

ل هنتوا وبيض الله وجيهكم وشكرا يابو نافع وبن حويدر وابو سالم وبن جدعان على سرعة الرد

أعطها أبرة ( أكس توسين ) 10 مل
وخلال ساعة بإذن الله يطيح سلاها

وسلامتك