هل هو جرب ؟

مساكم الله بالخير

عندي خلفة صار يبقع جسمهــا في جنوبهــا وحول رقبتهــا و تطيح شعرتهــا

هل هو جــرب ؟

وهل أعزل حويرهــا عنهــا لأن الحوير صار يتحكحك ؟

وكيف طريقة علاجهــا ؟

لا هنتوا يالربع

أرحب يا بندر
عطها ( الدكتوماكس الزرقا )
وما جاك في وجهي

بإذن الله ما عليها شر ..

عموماً ابرة الجرب لا تضر
وهذا الكلام من واقع تجربه شخصية

وسلامتكم

</B></I>

وعليك بإبرة الدكتوماكس الزرقاء
15 مل وعقبه بـ 12 إلى 14 يوم كرر الجرعه
وحاول تمسح الأماكن المصابه بجرة مخففه بالماء

=============

ومن المحتمل تبديل وبر وطبيعي ان شاء الله

الله لا يهينكم يا الربع

بالنسبة للحوير أعزله عن أمه ولا أخليه لانه صار يتحكحك

ياليت تفيدوني

إعزله بارك الله فيك ورشه بالجاره ولا تكثر عليه لا نه حار عليه وأفضل وقت له لا رشيت الجاره عليه هي ساعة الليل لان الليل توه بارد وإذا بغيت تفكه على امه فكه ثم اعزله عنها لين ماتبرى من الجرب

^^^^^^^^^^^^^^^^^^^^^^


الجاره اذا رشيتها على الحوار يمكن تنفره امه

مرحبا يابندر والخلفة مافيها الا العافية ولا تعزل حوارها في هذا الوقت يبدا يسفي الوبر بمعنى يتبدل الوبر القديم بجديد ويبداء يتساقط الوبر الا اذا انت متاكد انه جرب اضربها بابرة برازيلية 20 سم .

أخوي ترى أبره الجرب مجربه وناجحة .. كل عشر أيام تعطيها للناقة

وأنتبه أخوي ترش الحوار بجرة لان الجرة حارة والجو اللحين حار ويمكن تذبحه والأ أمه تنفرة


وفيه دهان يذكرونه انه زين عند البيطري أسأل عنه..

الله لا يهينكم جميعــا

وشاكر لكم تفاعلكم جميعــا

أخوي ترى أبره الجرب مجربه وناجحة .. كل عشر أيام تعطيها للناقة

وأنتبه أخوي ترش الحوار بجرة لان الجرة حارة والجو اللحين حار ويمكن تذبحه والأ أمه تنفرة


وفيه دهان يذكرونه انه زين عند البيطري أسأل عنه..

كلامك عين العقل وبيض الله وجهك