ياهل الخبرة ترا الي عندة خبرة له مكافئة مالية

السلام عليكم ورحمة الله وبركاته
يالربع عندي ناقة شريتها ماتشوف وجاها العمى من عاد هي حقة وهي كان تجهس يعني تشوف من عينها اليسرى شوي شوي
وذالحين ماعاد شافت خير شر وحن كوينها على القحوف ولا فيه فايدة والي بيعالجها له مكافئة مالية ثمينة
وسلامتكم وهاذا رقم جوالي 0501989534
لاتبخلون علي بخبرتكم تكفون يالربع الناقة زينه ولا ابغي افرط فيها والفزعه يا اخوان شما

الله يشفيها وتسلم ويجيك الي يفيدك ان شاء الله

سالم وانا اخوك الي يعرف تاكد انه ماراح يبخل عليك
بدون هالمكافئه الثمينة


ناقتك وش سنها وكم لها على هالحال ؟

الأخ / سالم الله يصبحك بالخير والحاضرين .
الأعضاء بالمنتدى كلهم مثل الأخوان في بيت واحد , وبيض الله وجيههم جميع ,
وبكل أمانه تلمس بينهم المصداقيه والتآخي والمحبه والنصيحه
ويقدمون كل ما فيه خير ونافع وصالح لوجه الله دون أنتظار المقابل
سوى كلمة ( جزاك الله خير , والدعاء للوالدين ) الله يرزقنا وياهم وإياك الجنه
وأن شاء الله الأخوان لن يبخلوا أو يترددوا بالمبادره لك بالنصيحه والعلاج
أسئل الله لنا ولهم ولك التوفيق , وتقبل تحياتي

السلام عليكم ورحمة الله وبركاته

اخوي عليك بالعزيمة تقراء عليها الورد يومياً صباح ومساء والبقرة يومياً لمده اربعين يوم وباذن الله يفكها رب العالمين وهذا شي مجرب باذن الله

بالتوفيق انشاء الله ,,,

السلام عليكم ورحمة اللة وبركاته
اخوي سالم اناعندي عجم عورا من عينها اليمنا وجاني شيبة من شيبانا وقالي يوم انفطرت عينه تو ولا مبطي قلت لا تو قالى داوم عليها بسكر لكل يومين بمعنى اني احشيها كل يومين اترسها سكر واخليها في الشبك والحمد الله البكرة متحسنة

السلام عليكم ورحمة اللة وبركاته
اخوي سالم اناعندي عجم عورا من عينها اليمنا وجاني شيبة من شيبانا وقالي يوم انفطرت عينه تو ولا مبطي قلت لا تو قالى داوم عليها بسكر لكل يومين بمعنى اني احشيها كل يومين اترسها سكر واخليها في الشبك والحمد الله البكرة متحسنة

سبحان الله .. نفس الرد .. بطريقه ثانيه .. وهذا ياللي لاحظه من شوابنا يوم تنعما عندهم ناقه .. يحطون في فنجان سكر .. ويحطون عليه شويه ماي .. لدرجه انه السكر يكون مثل العجين اللين جدا .. وبعدها يصبونه كله في عين الناقه .. كمن يوم ولا تقوم مثل ما كانت واحسن ..


والله يشفي ناقتك .. ورد لنا الخبر لو ما فاد السكر معاها .. وخلنا نسأل الشواب كان عندهم علاج لها ..

اللي انا اعرفه انه يخلط شوي ملح مع ماء وتغسل به العين
انا سويته قبل كم يوم مع جفره واليوم الثاني قامت تراقص

الله يشفيها و يبارك فيها