نبي الشور الطيب

اخواني الكرام عندي ناقة والله انها تعبتني مشكلتها انها متحفية وفية حفرة داخل خف رجلها والحفرة عميقة
بحجم اصبع اليد الصغير (الخنصر) ويدخل الحصي بداخلها المهم اني خضبتها بصبر ولبستها دلاغ ومنعتها من
المسراح مع البل لكن دلاغها بعد ساعات يتقطع وشريت لها الله يكرمكم اكثر من جوتي ومافية فايدة
اللي عندة حل لا يبخل علينا مع العلم اني احط داخل الحفرة اللي بخفها غزل من شعرهاااا لكن انة يطيح
وسلااااااااااااااامتكم

وعليكم السلام ورحمة الله وبركاته
هذا طال عمرك على كلام واحد من شيبانا أنك تجيب جلد بعير وتجيب مخيط وبعد ماتحط الصبر والغزل تحط الجلد تحت الخف وتخيطه في جلد خف الناقه من فوق وطريقة التخيط يكون الجلد مخيط من اربع جهات ربطتين من ويمين وربطتين من يسار وانا ناسي بعض الكلام الي قاله لاكن ابنشد واعلمك
والله يشفيها والله يباركلك في حلالك

زياده على كلام الاخ ظافر

لاعاد تسرح وحطها في مكان عرق او زباره نظيفه

لأن الحفا ما يداني كثر الممشا

موفق بإذن الله ... لك مني أجمل تحية .

لاتسرح وعطها بنسيلين لمدة ثلاث أيام وبتشوف اللي يسرك إن شاءالله

أهم شي لا تسرح

الاخ محمد
الحقيقه ذكر لي من واحد موثوق ولم اجرب تحط مكان الحفاة مادة القطران وهذي مادة تحصلها عند العطارين والله انه يكتب لها العافيه