الحقوا علينا يا اللي عندكم معرفه وعلم

عندي حواره عمرها تقريباً شهر عند أول ولادها طيبه وزينه ومشيها طيب

ولكن بعد اسبوعين جاه شي تمشي وتسحب رجلينها ولا تاطا على خفها تاطا على المفصل

ثم بعدين ما عاد تقدر تقوم ولا ترضع ولا وقفت تطيح وبراطمها متطلقه

وش الحل يا الربع

مرحبا يا بدر يمكن فيها حليمان امسك ضهرها ان لقيت مثل الخرز فهو حليمان

اغسله بجره لانه يمص دمها ولايخلي فيها جهد

الله يشفيها لك ولا يخسرك ياليت تصورها مقطع فديو افضل حتى الاعضاء يبدون رأيهم

مثل ما قال اخوي " بندر" ونفس الحاله تقريبا كانت معانا .. بس كانوا يضعفون بشكل غير طبيعي .. وغسلناهم بماي وصابون .. واستمرينا في تنظيفهم علما بانه السم يقولون مش زين للحشوان وخصوصا ياللي صغار .. " واحذر منه يا اخوي "

الله يجزاكم خير كلكم

فعلاً لقينا فيها خمله في عراقيب الرجلين

وغسلناها بجره وعطيتها ابرة طويل المفعول وابرة أعصاب معها فيتامين

وابشركم أنها تحسنت بشكل جيد وانشاء الله انها من احسن إلى أحسن