عندي خلفه منقطعه

بسم الله الرحمن الرحيم
السلام عليكم ورحمة الله وبركاته
اعزائي الكرام عندي خلفه ابي لها علاج انقطعت مره وعزلت ولدها عنها في شبك مااخليه يرضعها الا الصباح
والمغرب وعطيتها شراب الديدان مرتين ولا تغيرت على حالتها ومن فتره قامت تطرد ولدها ماتخليه يرضعها
وشان خاطرها وبعدين رجعت طبيعية بس عيا يزين حالها ابي الحل الله يوفقكم

صباح الخير ياتركي

1- الناقة داوم عليها بدواء الديدان وأفضل الحبوب عن الشراب

2- عليك طال عمرك بالشعير المجروش ونقعه بالماء قبل ما تعطيه اياها عطها بالصباح سطل واطرحه بالمعلف

3- عليك بالبرسيم إطرح لها حزمة بالمعلف وخله عند راسها لين ما يخلص وتعقبه بالثاني وعلى هذي الحال

4- أقديت في عزل الحوار لكن حاول تدرر الناقة ثلاث مرات باليوم مع الحلب النظيف عشان يكثر حليبها
ويزين حالها وقلة الحلب يقل الحليب ما يكثره

5- يمدحون الثوم للمصابة بالدود عطها باليوم ثلاث فصص وغبه بالعجين

وبهذي الحال بإذن الله ترجع ناقتك باحسن ما يكون وتسر عينك بصطرها

والله يشفيها ويعافيها من كل مكروه

والله اني عندي ناقة حالها مثل حال ناقيتك وعزلة عنها بنتها مررره ولا تغير شي والبلا انها ذلحين اشين من اول وانا قد عزلت بنتها منها من فتره وحالها اول ابرك من الحين جربت الابر والحبوب ...الخ مانفع

اخرتها فيه ناس ياخذون تحليل الدم عطاني رقمهم ااحد الاعضاء وكلمتهم وبيجوني هالايام وننتظر ونشوف وش نهايتها

السلام عليكم

مساك الله بالخير

ناقتك الي فيها هيام والله اعلم مر الصيدليه وقله عطني ابرة هيام وان شاء الله بتشوف التغيير

بسم الله الرحمن الرحيم
دقه ابرة جرب وهيام الهندية وعطها اربع علب زيت السمسم يعني 1 لتر وزي ما قالو الاخوان عليك بالمجروش والبرسيم